Isa. 32:19 - Ebaibul

¹⁹ Edaun amoni jik, inyasunio etaun nooi.

Isa. 32:19 Iomraidhean Croise

Isa. 10:18

Inyasuni Ekapolon akibuses ŋina a ŋamon ka Asiriya ka ŋalup keŋ ŋuna ataronok, inyasuni Ekapolon ŋitai ka ŋawat a ŋituŋa ka Asiriya lopite ŋolo inyasunia edeke ŋolo aaran ituŋanan.

Isa. 10:19

Idoŋete ŋipiya a ŋikito a ŋulu a amoni keŋ ekudyoko erae ŋulu epedori tari ikoku akimarun.

Isa. 10:33

Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 24:10

Abilibilaar etaun ŋolo a egurigur, agolokin ŋakais daadaŋ ikotere edaun ituŋanan epedori alomar tooma.

Isa. 24:12

Edoŋ ekasile lotaun, abwaŋabwaŋaar ŋipukei a etaun enyasun.

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 28:2

Kiirasi eyakar Ekapolon ituŋanan ŋini etiron ka ŋini agogoŋon, ŋini ikimunyari lopite ŋolo emunyaryata akiru ŋina a ŋakoko ka ekuwuam akwap; ŋini ikimunyari lopite ŋolo emunyaryata ekuwuam ŋolo agogoŋon ka ŋakipi ŋuna eleleete akwap; ijukuni iŋes a apedor keŋ nakwap akiru ka ekuwuam.

Isa. 29:4

Ekaku irworikinete iyes ŋituŋa ka Ariel alokwap ŋalup iiraryo ŋitoilon kus alokwap ŋalup; iiraryo ŋitoilon kus alokwap esibit etoil a ekipye, iiraryo ŋitoilon kus iŋaiŋaasi analup.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Naum 1:1

Erae nu ŋakiro ŋuna abu Akuj kisileereu aŋuna ke etaun a Ninepe, ŋakiro ŋuna abu Naum ŋolo abunit alo Elikos toanyu anakiruja, ido kigir.

Naum 1:8

tari anakalele a ŋina ipuma nooi. Emunyari Ekapolon ŋimoe keŋ, iwuapari ŋimoe keŋ tari nakiryonut.

Sakar 11:2

Kiololoto iyes ŋikito ŋulu enyaritae Cipres, anerae aukonor ŋikito ŋulu enyaritae Cedar, amunaar ŋikito ŋul ŋulu apolok nooi! Kiololoto iyes ŋikuyono ŋulu alo Basan; anerae ayepakin kwap amoni ŋina amutonon!

Mat. 7:25

Kilim akiru, bu akalele ka tokut ekuwuam kai ŋin, nai abu nyeukor, anerae adukokinitae nataaba.

Akis. 18:21

Abu emalaika tolemu amoru ŋina atya ŋinakiryeet, kimasa nanam ebala, “Ikokinio inyasunio Babilon etaun ŋolo apolon nooi nege, nyeanyuwar nabo.

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.