Isa. 32:14 - Ebaibul

¹⁴ Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 32:14 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

2 Ŋakiro a ŋirwa 33:14

Kedaun ŋun, abu Manase toduk nabo nakadipaalat arwatata ŋina alokiŋa etaun a Daudi, ayai arwatata ŋin nakadipaalat To elelya Gion, toduk kitodol tari lopuke ŋolo anyaritae Epuke ŋolo a Ŋikolya, kisirimok arwatata emukura ŋolo enyaritae Opel; abu daŋ Manase kitooyaa arwatata nooi alokidiama. Kiwuanak ŋikapolok a ŋasigarya lotaunio a Yudaya daadaŋ ŋulu adukitoe ŋaduketa ŋunajiet.

Neem. 3:26

ka ŋiketiyak ŋulu ka Akai ka Akuj ŋulu eboiyete alo Opel, todukokis ikes arwatata akitodol neni eteosi alo Kide ka epuke ŋolo a Ŋakipi ka aduketait ŋina aoyan ŋina eleŋit ŋakais ŋunace.

Ŋikiru. 104:11

Itamasete ikes ŋityaŋ ŋulu ka ariet daadaŋ; emasete a nen ŋityaŋ daadaŋ ŋulu ka ariet ŋulu ikwaan ka ŋisigirya.

Isa. 22:2

Okoe iyes ŋituŋa ŋulu igurosi nooi! Okoe iyes ŋituŋa a etaun a ŋolo ileleba egurigur ka ŋasuban! Pa aaryo ŋituŋa kus ŋulu atwaka a ekileŋ pa tari atwakete alojie.

Isa. 24:10

Abilibilaar etaun ŋolo a egurigur, agolokin ŋakais daadaŋ ikotere edaun ituŋanan epedori alomar tooma.

Isa. 24:12

Edoŋ ekasile lotaun, abwaŋabwaŋaar ŋipukei a etaun enyasun.

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 5:9

Eira ayoŋ Ekapolon ŋolo a ŋajoresyo ikoŋi ebala, “Kire jik, imyekinio ŋakais ŋuna alalak toruworos ŋireŋoroto, emamukaun ŋituŋa anakais a ŋun a ŋuna alolomak ka kibusak.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Isa. 7:23

“Akoloŋit ŋin, eruworosi ŋimanikorin a ŋikito a epiini ŋulu sek ajokak ŋulu ayakatar ŋikito a epiini aliput ŋulu apedoryo akigyel a ŋisilipae a aliput ŋamon ŋuna a ŋikukwa.

Yer. 14:6

Ewuasi ŋisigirya alokidiama ŋikamukumukui ŋulu elapat, ieŋieŋasi ikwa ŋikweei, nyeriŋa iteete akwap ejok, anerae emam ŋinya.

Yer. 33:4

Alimu ayoŋ Ekapolon, Akuj a Ŋisirael aŋuna a ŋakais a etaun a lo ka aŋuna a ŋakais a ŋirwosi a Yudaya a ŋuna aponi toritaarae aŋuna ka adukio arwatata ŋinakiretakinet ŋimoe ŋulu erikaunito etaun ka aŋuna ka ajio.

Yer. 52:27

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

Yer. 6:5

Tonyoutu, emaikina iwon oremo iŋes nakwaare, ido omunaasi ŋaduketa keŋ ŋuna ka apukan.”

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Luk. 21:20

“Ani iŋolikinete iyes Yerusalem irikaunito ŋajorei a ŋimoi, toyenete atemar aapiki akinyasun iŋes.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.