Isa. 31:8 - Ebaibul

⁸ Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 31:8 Iomraidhean Croise

Akisy. 49:15

abu Isakar kiŋolik atemar kejokyar aryamun akibois ŋina kieŋunet, ka ajok nooi akwap ŋin; aŋun, abu Isakar tokukokin akijaun egogos, toruwor epito ŋolo etiyae etic ŋolo areikinitae.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 14:2

Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Isa. 21:15

anerae amotunosi ikes aŋuna acamitere akiar, acamitae ikes akiar a ŋileŋia a ŋulu aris kelemun anakuraroi, acamitae ikes akiar a ŋikaleŋeleŋe a ŋulu aris kiketakin ŋakawo kec. Emotuno ikes aloupanu a ŋolo ke ejie.

Isa. 27:7

Esican mono Ekapolon ikes lopite ŋolo esicania ŋituŋa ŋulu apotu kisicana ikes a? Kori aari mono ikes lopite ŋolo aarere ŋituŋa ŋulu apotu toara ikes a?

Isa. 29:5

Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 37:7

Kiirasi, ayoŋ elope ewuakini neni keŋ ŋakiro ŋun, ikotere ani iirari iŋes ŋakiro ŋuna elimokinio, toboŋo nakwap keŋ, ido ani edoli iŋes inaa etaari ayoŋ ŋituŋa iŋes a ekileŋ.’”

Isa. 66:16

Anatubokin a ŋina ke Ekapolon, isicani iŋes ka akim ka ekileŋ ŋituŋa daadaŋ ŋulu eryamuni esecito, elalaketa ŋulu eari Ekapolon.

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Esek. 21:28

“Iyoŋ lokoku a ituŋanan, todwar ebe, ‘Alimu Ekapolon Akuj ŋakiro nu aŋuna a Ŋiamoni ka Ŋiyany kec, Ekileŋ! Ekileŋ! Etemokin ekileŋ aŋuna ka aarya, apwasi aŋuna ka amunyarya ka ipareo ikwa akimilyaunet.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”