Isa. 31:3 - Ebaibul

³ Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 31:3 Iomraidhean Croise

2 Ŋakiro a ŋirwa 32:8

Eyakar iŋes apedor ŋina a ituŋanan bon, nai iwon ikiyakar Ekapolon Akuj yok ŋina ikiŋarakini iwon, ŋina eji aŋuna yok alojiesyo yok a daadaŋ.” Abu nai atitinyu min lotuŋa a ŋakiro a ŋuna erworo Esekia erwosit a Yudaya.

Ŋikiru. 118:8

Ejok akikinyom Ekapolon, akilo akikinyom ŋituŋa.

Ŋikiru. 33:17

Acaryoit akigeno atemar iun alojie a aŋole, tari kegogoŋ aŋole nooi, nyepedori aiun.

Ŋikiru. 9:20

Okoe Ekapolon, kitubul ikes, kimyek ŋituŋa a ŋakwapin toyenut atemar erae ikes ŋituŋa koŋin ŋulu epote amunyar.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 20:6

Akoloŋit ŋin elimunete ŋituŋa ŋulu iboiyete alodiyete anam ebe, ‘Kiŋolikisi ŋakiro ŋuna etiyakin neni a ŋituŋa a ŋulu ikigeno iwon, a ŋulu aponi iwon toemae neni kec aryamun akiŋarakinet ka alakuno aneni a erwosit ka Asiriya. Ani bo iwon, ikokinio ai ebucaroi?’ ”

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 30:5

irumete ŋileec ŋituŋa a Yudaya daadaŋ aŋuna a ŋituŋa a ŋulu nyepedorete akiŋarakin ikes, ŋituŋa ŋulu nyeyaunete adiojokis, kori adiokiŋarakinet neni kec, nai ŋileec ka ajamuwaro.”

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 36:6

Topupok, ikinyomit iyoŋ ŋituŋa a Ijipit, ŋituŋa ŋulu epalag ikwaan ka ateteleit ŋina ebilil, ŋina epedori akirem akan a ituŋanan a ŋini egwaŋakin iŋes. Ikoni Parao erwosit a Ijipit nen aneni a ŋulu ikinyomito iŋes.’

Isa. 36:9

Ikokini nai iyoŋ ipedori akiloun ekapolon epei ŋolo edit anapolou aneni a ŋikapolok a ŋulu a ekapolon kaŋ, erae kikinyomit iyoŋ Ijipit aŋuna a ŋaŋolei ka ŋikametok ŋaŋolei ai?

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 17:5

Ŋakiro ŋuna irworo Ekapolon ikes nu, “Icenen daadaŋ ŋulu ikinyomito ŋituŋa koŋin, ŋulu ituruworito ŋituŋa koŋin agogoŋu kec, ŋulu nyikinyomito alotai kec Ekapolon.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:9

Irubakini mono iyoŋ ibala, ‘Arae ayoŋ akuj; toyakas bo neni kon ŋikaarak iyoŋ a? Iruwor iyoŋ ibore ŋini etwani, meere akuj, apaki ŋina eponiata neni kon ŋikaarak iyoŋ.

Amos 2:15

ebwaŋasi ŋikajiok a ŋikaleŋeleŋe, nyepedorete tari ŋituŋa ŋulu apiranak aiun, nyepedorete tari ŋituŋa ŋulu emeto ŋaŋolei aiun.

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”