Isa. 30:7 - Ebaibul

⁷ Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 30:7 Iomraidhean Croise

Yob 9:13

“Erae iŋes Akuj ŋina nyejoŋoenene anyunyura, ijuuruyete alokwap keŋ tari ŋikeŋarakinitok a Raab.

Ŋikiru. 87:4

Alotooma ŋulu akayenete ayoŋ, emaruni ŋituŋa a ŋakwapin a nu: Ijipit ka Babilon; Pilistia daŋ ka Tiro kaapei ka Esiopia; ido etemarete ŋituŋa, “Keurunio ŋituŋa a ŋakwapin a ŋun alo Sion.”

Ŋikiru. 89:10

Ibu iyoŋ kinyaadiya Raab, ikwa esubuna ŋolo etwanit; idau iyoŋ akielar ŋimoe kon a apedor kon a ŋina etiron.

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Ŋakit. 25:19

Akikinyomit anapakio a ŋuna a ŋican ituŋanan ŋini nyepedori akiŋarakin; ikwaan ka anyakaikin ibore a ekelae a ŋolo epipil, kori ikwaan ka arotokin a akeju a ŋina aŋwalan bon.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 2:22

Tojoŋoto akikinyomit ituŋanan, ekieŋanu bon eraakar iŋes ituŋanan. Nyo ejok aneni keŋ ŋini emaikina kikinyomere iŋes?

Isa. 20:6

Akoloŋit ŋin elimunete ŋituŋa ŋulu iboiyete alodiyete anam ebe, ‘Kiŋolikisi ŋakiro ŋuna etiyakin neni a ŋituŋa a ŋulu ikigeno iwon, a ŋulu aponi iwon toemae neni kec aryamun akiŋarakinet ka alakuno aneni a erwosit ka Asiriya. Ani bo iwon, ikokinio ai ebucaroi?’ ”

Isa. 28:12

a ŋulu abu iŋes tolimok tema, “Erae ne neni kieŋunet, kisiyeŋutu ŋulu eupit, erae iŋes neni kieŋunet”; nai apotu ikes nyepupokis ŋakiro kaŋ.

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 30:5

irumete ŋileec ŋituŋa a Yudaya daadaŋ aŋuna a ŋituŋa a ŋulu nyepedorete akiŋarakin ikes, ŋituŋa ŋulu nyeyaunete adiojokis, kori adiokiŋarakinet neni kec, nai ŋileec ka ajamuwaro.”

Isa. 36:9

Ikokini nai iyoŋ ipedori akiloun ekapolon epei ŋolo edit anapolou aneni a ŋikapolok a ŋulu a ekapolon kaŋ, erae kikinyomit iyoŋ Ijipit aŋuna a ŋaŋolei ka ŋikametok ŋaŋolei ai?

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Yer. 37:7

“Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Aum. 3:26

Ejok ŋinituŋanan torubak idarit Ekapolon anatitinyu; ejok ŋinituŋanan torubak idarit Ekapolon toiu iŋes.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.