Isa. 30:6 - Ebaibul

⁶ Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 30:6 Iomraidhean Croise

Akisy. 12:9

Torubak Aburam ewosi jik a ŋarwa Negeb

1 Ŋirw. 10:2

Abu arwosit ŋin bu Yerusalem, torukut ka ŋituŋa ŋulu alalak, ŋikaala ŋulu ewokito ŋikito ŋulu akukunyok, egolid ŋolo alalan nooi ka ŋamoru ŋuna epol egyelit. Abu arwosit ŋin bu neni a Solomon kiyana ka iŋes ŋakiro daadaŋ ŋuna ayakar iŋes.

2 Ŋakiro a ŋirwa 16:2

Aŋun, abu Asa ya esilipa ka egolid ŋolo eŋadatae Kai ka Akuj ka ŋolo eŋadatae kai ke erwosit, kiyakiya neni a Benadad a erwosit ka Aram a ŋolo eboi alo Damasko. Tema Asa neni a Benadad,

2 Ŋakiro a ŋirwa 9:1

Ani iirari arwosit ŋina a Seba arwonu a Solomon, abu bu Yerusalem akikatakin Solomon a ŋakiŋiseta a ŋuna atyoko. Abu arwosit ŋin bu Yerusalem, erukito ka ŋituŋa ŋulu alalak, emeto ŋikaala ŋulu ewokito ŋikito ŋulu akukunyok, egolid ŋolo alalan nooi ka ŋamoru ŋuna epol egyelit. Abu arwosit ŋin bu neni a Solomon, kiyana ka iŋes ŋakiro daadaŋ ŋuna ayakar iŋes.

Yob 39:11

Ipedori iyoŋ akikinyom iŋes bon, anerae egogoŋ iŋes a? Ido ijalakini iyoŋ iŋes kitiya ŋiticisyo aŋuna kon a?

Awos. 1:14

Kitakadakis Ŋijipitian Ŋisirael nooi aŋuna aponiata kitiŋakis ikes etic ŋolo agogoŋon nooi; ikwapei amuna ecoto ka akiram ŋamatapali ta ŋiticisyo ŋice ŋulu a ŋimanikorin. Aryanyaaka Ŋijipitian nooi isitiyaete Ŋisirael ŋiticisyo ŋuluce daadaŋ.

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 15:7

Aŋun, elosete ikes etubete ayonae ŋina a ŋikwaŋae a ŋulu enyaritae Wilo, iwokito ŋiboro daadaŋ ŋulu alalak ŋulu apotu ikes toryamut ka ŋiboro daadaŋ ŋulu apotu ikes kidyata.

Isa. 19:4

Epotokini ayoŋ Ŋijipitian napedor a ituŋanan ŋini agogoŋon ka akou, ipukae ikes erwosit ŋolo adedeŋan.” Ekapolon ŋolo a ŋajoresyo iŋes alimu ŋakiro ŋun.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 57:9

Ipotu iyes toloto neni a Molek itiŋito akimyet ka ipotu kitalalata ŋamyeta ŋuna akukunyok. Ipotu iyes kiyakiyasi ŋituŋa neni alwanan, ipotu kiyakiyasi tari tooma nakibois a ŋikatwak.

Isa. 8:22

kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Esek. 20:46

“Lokoku a ituŋanan, kiŋoliya lowae ŋolo alo Kwap, tolimonok ŋakiro ŋuna itoroniaritor ewae ŋolo alo Kwap, todwar itoroniyarit amoni ŋina alo Negeb;

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Mika 6:14

Imujete ŋituŋa kon nai nyimwokete; erubakinete ŋakookyes kec eororete. Iŋadaete ikes, nai mam ibore ideun, anerae ibore ŋini iŋadakinete ikes, etelemari ayoŋ ŋimoe.

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ekim. 21:8

Tolimok Ekapolon Moses tema, “Kitiyau etorube a emun a ŋolo a akisorit, ido kikacak lopir, ituŋanan daadaŋ ŋini ekonyi emun, emaikina kiŋoliya lotorube a emun a ŋol, ido eyari ituŋanan ŋin.”

Mat. 12:42

Akoloŋit ŋina ka atubokino, enyouni akepukan ŋina ka akwap a ŋina a Ceba atubokin iyes; anerae abu iŋes koloŋ tolot erot ŋolo aoyan nooi akiirar ŋakitatameta ŋuna ka aosou a Solomon a ŋolo arae erwosit. Nai eyai ne ŋolo epol akilo Solomon.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 8:15

nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut