Isa. 30:32 - Ebaibul

³² Apaki daadaŋ ŋina eramarya Ekapolon ebela keŋ ŋolo isicania ŋituŋa ka Asiriya iiraryo eruye ŋolo esibit eruye a ŋiburin ka ŋaduŋgui. Itiji Ekapolon ikes a akan keŋ a ŋina iikikyo.

Isa. 30:32 Iomraidhean Croise

Akisy. 31:27

Kaanukiro isiya ka ikiŋalaa iyoŋ ayoŋ torotok ekililiŋat? Kekemyekinit ayoŋ iyoŋ tolot ilakara ka keeitoe apaki ŋin a ŋiburin ka ŋagitae.

2 Ŋakiro a ŋirwa 32:8

Eyakar iŋes apedor ŋina a ituŋanan bon, nai iwon ikiyakar Ekapolon Akuj yok ŋina ikiŋarakini iwon, ŋina eji aŋuna yok alojiesyo yok a daadaŋ.” Abu nai atitinyu min lotuŋa a ŋakiro a ŋuna erworo Esekia erwosit a Yudaya.

Yob 16:12

Eboi sek ayoŋ emam ŋace, nai eketeryamu ayoŋ Akuj ŋican; ekekamu iŋes ayoŋ esibit ecamit akijulumiyar alomosiriŋ; ekewuak iŋes ayoŋ esibit ibore ŋini ecamit iŋes akipim a ekaleŋeleŋet.

Isa. 10:24

Aŋun alimu Ekapolon, Akuj ŋina a ŋajoresyo ebe, “Okoe ŋituŋa kaŋ ŋulu iboiyete alo Sion, nyikuryaketa aŋuna a ŋituŋa ka Asiriya a ŋulu ikisicanito iyes, a ŋulu ikitiŋakinito iyes ŋibelae ikimanito lopite ŋolo ikimanitotor iyes Ŋijipitian;

Isa. 10:26

Ayoŋ Ekapolon ŋolo a ŋajoresyo adai ikes a adaset lopite ŋolo abunio odaiya ŋituŋa a Midian anataaba a Oreb; esicani ayoŋ ŋituŋa ŋulu eya nanamyo, lopite ŋolo abunio esicania ŋituŋa a Ijipit.

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 19:16

Ebunit akoloŋit ŋina ikwaanikinotor ŋituŋa a Ijipit ka ŋaberu ŋuna ekuryaka. Emaranikinete ikes aŋuna a ekabule iŋolikinete atemar ebunit Ekapolon ŋolo a ŋajoresyo akisican ikes a apedor keŋ.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Isa. 24:1

Apuu Ekapolon tokona akinyasun akwap kituruwo ekasile, ebuburiyari iŋes akwap kielielaa ŋituŋa ŋulu eya nakwap.

Isa. 24:8

Eliliŋ eruye a ŋiburin ŋolo sek ka alelyanu, adaun acela a ŋulu elelyanete, eliliŋ eruye a agita ŋolo sek ka alelyanu.

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Esek. 32:10

Eturuwori ayoŋ ŋituŋa ŋulu alalak ŋulu ekadakinito ŋakiro kon; emaranikinete ŋirwosi a ŋituŋa a ŋul a ŋuna kon. Emaranikinete ŋirwosi ŋul iŋolikinete apwatari ayoŋ ekileŋ kaŋ alokiŋaren kec. Akoloŋit ŋina akalemarya ayoŋ iyoŋ, emaranikini ŋolorwosit a ŋinapaki aŋuna ka akiyar keŋ.

Ŋibur. 12:26

Abu etoil keŋ kitamaranik akwap apaki ŋin, nai tokona adau iŋes akiikin ebe, “Etamaranikini nabo ayoŋ akwap apeikitamaranikinet; nai meere akwap bon, nai nakuj daŋ.”

1 Sam. 10:5

Kilunyar a nen, idoli iyoŋ Gibeas-Eloim, nakibois ŋina elomito ŋasigarya a Ŋipilistin. Ani idoli iyoŋ nen ilomari lotaun, iryamasi ka atukot a ŋikadwarak etiyaun anakibois a ŋinamukur etiŋito: Aduŋgu, ebur ka apilu ta agita, idoŋaete. Iryamuni iyoŋ ŋikadwarak edwarete.

1 Sam. 18:6

Ani epote ikes lore, apaki ŋina aboŋunio Daudi aneni aarya Epilistait, tolomut ŋaberu alotaunio a Isirael a daadaŋ eosi ka kidoŋaete elosete akisiryam erwosit Saul, toramete ŋiburin, toeos ŋieosyo ŋulu ka alelyan, toramete ŋiboro ŋulu eore.