Isa. 30:30 - Ebaibul

³⁰ Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 30:30 Iomraidhean Croise

Yob 38:22

“Ilomarit mono iyoŋ neni iwuakinitae ekuno, kori iŋolikinit mono iyoŋ neni idyasitae ŋakako

Yob 38:23

ŋuna eŋadat ayoŋ aŋuna ka apaki a ŋinakisicanet ka akoloŋit ŋina a ejie a?

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 2:5

Iŋenyakini nai Ekapolon ikes anaŋoit, ido itubuli ikes ananyunyura keŋ tema,

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 9:23

Kikyaa nai Moses akan keŋ kidiama, ido abu Ekapolon kiyaku akiru ŋina agiro toya ŋakako, kimilya akwap nooi. Iŋes atemar abu Ekapolon kiyaku akiru ŋina a ŋakako nakwap a Ijipit.

Awos. 9:24

Kilim akiru ŋina a ŋakako nen, torubak agiro ka akimilyaa irimirimi nen. Arae ŋin akiru ŋina alalan nooi anakwap a Ijipit ŋinapei kipukakinet iŋes bon.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 10:26

Ayoŋ Ekapolon ŋolo a ŋajoresyo adai ikes a adaset lopite ŋolo abunio odaiya ŋituŋa a Midian anataaba a Oreb; esicani ayoŋ ŋituŋa ŋulu eya nanamyo, lopite ŋolo abunio esicania ŋituŋa a Ijipit.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 28:2

Kiirasi eyakar Ekapolon ituŋanan ŋini etiron ka ŋini agogoŋon, ŋini ikimunyari lopite ŋolo emunyaryata akiru ŋina a ŋakoko ka ekuwuam akwap; ŋini ikimunyari lopite ŋolo emunyaryata ekuwuam ŋolo agogoŋon ka ŋakipi ŋuna eleleete akwap; ijukuni iŋes a apedor keŋ nakwap akiru ka ekuwuam.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Isa. 30:31

Ebuli ŋituŋa ka Asiriya iirarete etoil a Ekapolon apaki ŋina isicania iŋes ikes.

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Isa. 32:19

Edaun amoni jik, inyasunio etaun nooi.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 4:6

Eyakaun ibore ŋini erapuwarit etaun ŋin esibit eripipi, imukori iŋes etaun naparan anamwanis a akoloŋ ka eruwor neni iunor ta neni ilomari ebuni ekuwuam ŋolo agogoŋon ka akiru.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Isa. 66:16

Anatubokin a ŋina ke Ekapolon, isicani iŋes ka akim ka ekileŋ ŋituŋa daadaŋ ŋulu eryamuni esecito, elalaketa ŋulu eari Ekapolon.

Yer. 25:32

Alimu Ekapolon ŋolo a ŋajoresyo ebe, “Kiirasi, elosete ŋican anakwap a apei, kiroposi nakwap ŋinace ka ebunit ekuwuam ŋolo agogoŋon anakisaleta a akwap!

Esek. 10:5

Apaki ŋin, apedoritae akiirar eruye a ŋabebenuk a ŋisubuna ŋulu a ŋabebenuk tari iyai nalapatu ŋina alokiŋa Akai ka Akuj, ekoni eruye ŋol irworikini etoil ka Akuj a ŋina etiron.

Esek. 13:13

Aŋun, irworo Ekapolon Akuj ebe, ‘Ananyunyura kaŋ etukutuni ayoŋ ekuwuam ka anaŋoit kaŋ, eyakaun akiru ŋina alalan ka ŋakako ŋuna eritakinete arwatata ŋin.

Yoel 2:5

Ecela iŋes ikwa ŋagaari ŋuna iritae a ŋaŋolei eporete alokidiama ŋimukura, ireta iŋes ikwa arira enomi ŋinya ŋulu aonok ibaki iŋes elal nooi ikwa ajore ŋina etenit aŋuna ke ejie.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Luk. 1:51

Etiya iŋes ŋakiro ŋuna apolok a akeekan, eela ŋulu eturok alotai kec.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Yos. 10:10

Abu Ekapolon kitubul Ŋiamori tosuros apaki ŋina eŋolikiniata Ŋisirael. Toara Ŋisirael ikes alo Gibeon, kiritarae nakan ŋina alo Bes-Oron, toararae erot daadaŋ akitodol neni anyaritae Aseka ka Makeda.

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Akis. 1:15

Acayete ŋakejen keŋ ikwa asuwat ŋina epwasitae ka erurumae etoil keŋ ikwa ŋakipi ŋuna ipumasi.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

1 Sam. 7:10

Ani eriŋa Samuel itiyae ŋuna ka ainakinet a ŋin neni ke Ekapolon, toapuut Ŋipilistin neni a Ŋisirael akisiiryakin Ŋisirael; nai tocelu Ekapolon neni a Ŋipilistin akoloŋit ŋin a etoil a ŋolo apolon nooi a ŋolo ekoni agirokinet, kisibiler ikes; tobwaŋas alokiŋaren Ŋisirael.