Isa. 30:25 - Ebaibul

²⁵ Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 30:25 Iomraidhean Croise

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 48:21

Apaki ŋina arikitor iŋes ikes analoŋisat, nyenyama ikes akure, abu iŋes kiteleleu aŋuna kec ŋakipi anataaba, abu iŋes kibel ataaba, ido tonaŋun ŋakipi anataaba.

Esek. 17:22

Abu Ekapolon Akuj kirwor ŋakiro nu, “Ayoŋ elope abuni atubun atalijeit ŋina iwasi alokidiama ekitoe ŋolo a Cedar; adupakini ayoŋ atalijeit ŋin; atubuni ayoŋ atalijeit ŋina anonokan ŋin oya odupak lomoru ŋolo aoyan.

Esek. 34:13

Ayauni ayoŋ ikes alotuŋa a ŋakwapin, acununi ayoŋ ikes anakiboisyo, oyau tooma nakwap kec, eyok ikes alokidiama ŋikamukumukui a Isirael, alodiyete ŋayona ŋuna eya ŋakipi ka aneni daadaŋ iboikinosi ikes alo Isirael.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Naum 3:12

Ikote ŋaduketa kon ŋunajiet ŋiboboryo ŋulu isyakinete akira, ŋulu iloilookinio torarakin ŋaraito nakituk a ŋinibore enyami.

Ekim. 24:7

Epitunete ŋiletok a Isirael nooi, eryamunete ŋikinyom kec ŋakipi ŋuna alalak. Epoloor erwosit kec akilo Agag, itopolooryo apukan kec.

Yoa. 7:38

Igiritae Nakigireta ebe, ituŋanan ŋini akanupi ayoŋ, ‘Epote ŋilelyan ŋulu a ŋakipi a ŋuna eteyarak alel alotau keŋ.’”

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.