Isa. 30:22 - Ebaibul

²² Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 30:22 Iomraidhean Croise

2 Ŋakiro a ŋirwa 31:1

Ani irikakin ŋakiro ŋun daadaŋ, apotu Ŋisirael daadaŋ ŋulu ayakasi nen toloto lotaunio a Yudaya, toukonosi ŋamoru ŋuna asipitoe erae ŋitorubei a ŋakujo, totubutubokis kwap ŋitorubei a ŋakujo a ŋuna anyaritae Asera, tomunaasi ŋamuroeta ka ŋakiboisyo ŋuna aya nenimukur ŋuna elipere neni a ŋakujo alo Yudaya daadaŋ, alo Benjamin ka alo Epuraim ta alo Manase. Ani kedaut amunaar daadaŋ, toboŋosi ŋituŋa a Isirael lotaunio ka nakwapin kec.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 31:7

Kitiyata ŋun, anerae akoloŋit ŋina ebunio Ekapolon, imasarete iyes daadaŋ ŋitorubei a ŋakujo kus ŋuna itiyaunitae a esilipa ka ŋuna itiyaunitae a egolid, ŋitorubei ŋulu ipotu iyes kitiyaut a ŋakan kus irae ŋikasecak.

Isa. 40:19

Nyikwaan iŋes ka etorube a akuj a ŋina itiyaunio tosipokinae, ido bu eketiyan egolid toburusik egolid kidiama keŋ ka kitanapik ŋiriko ŋulu itiyaunitae a esilipa.

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Aum. 1:17

Ibaanarete ŋituŋa a Sion ŋakan kec, nai mam ituŋanan isirworiuni ikes. Adau Ekapolon alimokin ŋiletok a Yakob atemar eruwor ŋikidunyet kec ŋimoe kec. Aruwor Yerusalem etaun ŋolo esiilyana aneni kec.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 18:6

ani pa kenyami iŋes ŋamuja anamuroeta a ŋuna edukitoe lomoru, kori pa kemitakinit ŋakujo ŋuna a Ŋisirael, ani pa kitiyae iŋes ŋace ŋuna aronok naberu a ekidunyet keŋ, kori kiryamanakin ka aberu apaki ŋina eyakar lolap,

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 7:19

Imasakinete ikes esilipa kec lorotin ŋulu a ŋitaunio kec, itoroniyarete ikes egolid kec. Itiyaete ikes ŋun, anerae nyepedori esilipa kori egolid kec aiun ikes akoloŋit ŋina ebunio anyunyura a Ekapolon neni kec. Nyepedorete ikes alemar akoro aneni kec, kori akisimwon ŋakookyes kec a esilipa, kori a egolid, anerae apotu esilipa ka egolid kiŋalaasi ikes nasecit.

Esek. 7:20

Alonapito kec a ŋulu ebusak, a ŋulu aponiata ikes kiturokinotor, apotu ikes kitiyaut ŋitorubei ŋulu ka asiilyo ka ŋakujo kec ŋuna pa acamit ayoŋ. Aŋun, eturuwori ayoŋ ikes ŋulu itoroniarito ŋiboro ŋulu ebaritotor ikes.

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Ŋilep. 13:52

Emaikina esacaradoti kicuny elou ŋol, tari kerae ŋolo imanyumanyunitae, kori edonyunitoe, kori ŋolo edonyunitoe a ŋajul, kori aŋausyo aŋuna amilimilak, kori ibore ca daadaŋ, itiyaunitae alolou a ibarasit anerae erae atapon edeke ŋolo etapaana; emaikina ŋiboro ŋul kicunyae.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.