Isa. 30:21 - Ebaibul

²¹ Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Isa. 30:21 Iomraidhean Croise

2 Ŋirw. 22:2

Abu iŋes kitiya ŋakiro ŋuna etalakarito Ekapolon ka ewuapit ŋipitesyo daadaŋ ŋulu a Daudi a papaa keŋ. Abu Yosia nyimyek akitiya ŋuna eyookino alokiŋaren Ekapolon.

Ŋikiru. 32:8

Ebala Ekapolon ebe, “Eketatami ayoŋ iyoŋ ŋipitesyo ŋulu emaikina kiwuap, Eketatami ayoŋ iyoŋ ka akalimokini epite ŋolo emaikina kitiyaa ŋun.

Ŋakit. 4:27

Nyitiyae ŋuna iyookino ka ŋuna aronok, torubak itiyae ŋuna iyookino bon.

Isa. 29:24

Eyenunete ŋulu esecito alotai kec ŋakiro, ecamunete ŋulu iŋuruŋurasi ŋakiro ŋuna itatamyo.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yos. 23:6

Aŋun, totitiny iyes anakiwuapit ŋakiro daadaŋ ŋuna igiritae lokitaabo ŋolo a Ŋikisila a Moses, kiwuapa ŋakiro ŋun ikotere nyigetakis, kitiyata ŋuna nyeriyan;

1 Yoa. 2:20

Nai ikiinak iyes Kristo Etau ŋolo Asegan ka iyenete iyes daadaŋ ŋun.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.