Isa. 30:19 - Ebaibul

¹⁹ Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 30:19 Iomraidhean Croise

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Isa. 10:24

Aŋun alimu Ekapolon, Akuj ŋina a ŋajoresyo ebe, “Okoe ŋituŋa kaŋ ŋulu iboiyete alo Sion, nyikuryaketa aŋuna a ŋituŋa ka Asiriya a ŋulu ikisicanito iyes, a ŋulu ikitiŋakinito iyes ŋibelae ikimanito lopite ŋolo ikimanitotor iyes Ŋijipitian;

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 60:20

Nyedoiyori nabo akoloŋ aneni kus, kori nyedoiyori nabo elap aneni kus, anerae Ekapolon iŋes eruwor akica kus ŋina a ŋikaru ka ŋikaru, ido edaunosi ŋirwa ŋulu ka akiyaloloŋ kus.

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Yer. 30:12

Alimu Ekapolon ŋakiro nu ebe, “Nyepedor akitiiyor ŋajemei kus, nyiŋaleunete iyes anawananu kus.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Yer. 31:16

Aŋun, alimu Ekapolon ebe, “Tojoŋoto akigworo, tomyetasi ŋakiyo anakonyen kus, anerae ikiropyo iyes aŋuna a ŋakiro a ŋuna itiyata iyes, eboŋunete ŋituŋa kus anakwap a ŋimoe,

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 51:10

Adau Ekapolon akisyon iwon; potu olimosi alo Sion ŋiticisyo ŋulu etiya Ekapolon Akuj yok.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Mika 4:9

Kaanukiro igworotor iyes ioroete nooi? Imamukatar mono iyes erwosit a? Atwana mono ekesirworiunan kus a? Ŋakiro mono ŋun ikikamunia iyes aryeba nooi ikwa aberu ŋina eapi akidoun a?

Luk. 6:21

“Irereŋ iyes ŋulu ikinyamit akoro tokona; ikisimwokyo iyes rwanu! “Irereŋ iyes ŋulu igworosi tokona; ikyeniyete iyes rwanu!

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋiep. 3:20

Epedori Akuj akitiya alotooma yok ŋuna alalak nooi akilo daadaŋ ŋuna ikipedori iwon akilip iŋes kori ŋuna ikitami iwon atemar ikitiyakini. Itiyae iŋes ŋun anapedor a ŋina itiyae alotooma yok.

Akis. 5:4

Abu ayoŋ egwor nooi, anerae amam ituŋanan ŋini amaikina aŋaar ekitaabo ŋol tosyom.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”