Isa. 30:18 - Ebaibul

¹⁸ Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:18 Iomraidhean Croise

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 34:8

Kikatakisi, iyenunete iyes atemar ejok Ekapolon, erereŋ ituŋanan ŋini elosi aiuno neni ke Ekapolon.

Ŋikiru. 84:12

Okoe Ekapolon ŋolo a ŋajoresyo, erereŋ ŋituŋa daadaŋ ŋulu ikikinyomito iyoŋ.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Ŋakit. 16:20

Ituŋanan ŋini iwuapit ŋakiro ŋuna itatamio iŋes, itiyae ejok, ido elakara ŋulu ikinyomito Ekapolon.

Isa. 18:4

Ŋakiro ŋuna akalimoki ayoŋ Ekapolon ikes nu, “Eŋoliuni ayoŋ ekililiŋat anakibois kaŋ, lopite ŋolo emwanunia akoloŋ ekililiŋat, lopite ŋolo emwanunia nakwaare kikopik akwap apaki ŋina elemere.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 33:5

Itopolooritae Ekapolon, iboi iŋes alokidiama; elelebik iŋes Sion akitub ŋakiro anakiyookino ka elelebik akiyookino.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 42:14

Alimu Akuj atemar, “Abu ayoŋ eliliŋ apaki ŋina aoyan, abu ayoŋ eliliŋ nyatubu akitiya ŋakiro ŋadi, nai tokona, eworouni ayoŋ lopite ŋolo iworounio aberu ŋina eryeba aŋuna ka akidoun, aŋaari ayoŋ akituk, ido eeŋak aŋaami.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 48:9

“Aŋuna a ekiro kaŋ, nyaŋoi ayoŋ atipei, aŋuna ka akipuro ayoŋ, nyayauni ayoŋ anyunyura kaŋ neni kus, ikotere nyakamunya ayoŋ iyes.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Isa. 55:8

Ebala Ekapolon, “Nyeriyan ŋatameta kaŋ ka ŋuna kus, kori nyewuapit ayoŋ ŋuna iwuapito iyes.

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 17:7

“Erereŋ ŋituŋa ŋulu ikinyomito Ekapolon, ŋulu eyai akikinyomit kec neni ke Ekapolon.

Yer. 42:7

Ani elunyar ŋirwa ŋitomon, kirwor Ekapolon neni a Yeremia.

Dan. 12:12

Erereŋ ŋulu idaŋidaŋete tari ŋina elunyarotor ŋirwa aliput ka ŋamiae ŋauni ka ŋatomoniuni ka ŋikan.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Osea 2:14

Aŋun, amodiuni ayoŋ iŋes oya naloŋisat, erwor neni keŋ a arimao a ŋina apolon.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Luk. 15:20

Tonyou nai iŋes, tolot neni a papa keŋ. “Ani eriŋa iŋes elwana, towuat papa keŋ iŋes ebunit kisyoni iŋes, kikomak kisiryamia, totunakin, tonu iŋes.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋirom. 5:20

Abu Akuj kitolomu Ŋikisila aŋuna ka akiyatakin asecit, anerae aponi iŋes kisileereunoe; nai neni abunio asecit kiyatakinor, abu ajokis ŋina ka Akuj kiyatakin nooi adepar.

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋiep. 1:8

Anajokis a ŋin, abu Akuj ikiinak iwon aosou daadaŋ ka ayenut,

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Yak. 5:11

Topupokisi! Ikibala iwon erereŋ ŋulu apotu totitinyikis. Iirasi iyes atitinyikinit ŋina a Yob ka iyenete iyes epite ŋolo abunio Akuj kiterereŋio iŋes ekaku, anerae isyoniono ka etimoono Ekapolon.

2 Pet. 3:15

Totamunito atemar erae akidaŋidaŋakinit ŋina ke Ekapolon yok, apaki kus ŋina iunotor, ikwapei igiritor lokaato yok Paulo ŋolo minat ka aosou a ŋina ainakini Akuj iŋes.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.