Isa. 30:17 - Ebaibul

¹⁷ Esuri ituŋanan ipei ŋituŋa aliput, iemete iyes daadaŋ aŋuna a ŋituŋa a ŋikan ikirisete ikes iyes tari ŋina idoŋio ituŋanan ipei bon esibit epir ŋolo ka abendera alokidiama emoru, esibit akitoodikinet ŋina esipokinitae kidiama ekamukumukut.

Isa. 30:17 Iomraidhean Croise

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Yer. 37:10

Tari kilout iyes ŋasigarya a Ŋibabiloniyae daadaŋ ŋuna ikitijiete iyes, ido kidoŋo alotooma kec ŋikilyok ŋulu ewanitae loeemae kec, epedorete ŋikilyok ŋul anyoun kicunyakis etaun lo a akim.”

Aum. 4:19

Apiraka nooi ŋituŋa ŋulu ikirisito isua, apiraka nooi akilo tari ŋigolei ŋulu iuwaunun alokidiama. Apotu ikes ikiritut isua alokidiama ŋikamukumukui. Apotu ikidapa isua analoŋisat.

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Ŋilep. 26:36

Nai iyes ŋulu ikirikoryo nakwapin a ŋimoe kus, ewuakini ayoŋ akuryanu lotai kus tokuryaketa anakwapin a ŋimoe kus toruworos ŋulu ibwaŋabwaŋasi tari iirarete eruye ka akuyon a ŋina erwo alokuwuam, iemete iyes esibit ikirisitae akiar, ibusonokinosi ikes esurur tari daŋ kemam emoit ikiwuapit.

Ŋilep. 26:8

Irisete ŋikan bon alokidiŋ kus ŋimoe amiat, ido irisete amiat alokidiŋ kus ŋimoe ŋalipyo ŋatomon, ido imunyarete iyes ikes alokiŋaren kus.

Amos 2:14

Nyeiunosi tari ŋituŋa ŋulu sek apiranak ekerete, epalagunete ŋituŋa ŋulu sek agogoŋok, nyepedorete tari ŋituŋa ŋulu ajiok nooi aiun akiyar kec;

Sepan. 3:12

Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Yos. 23:10

Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.