Isa. 30:12 - Ebaibul

¹² Aŋun, irworo Akuj a Isirael ŋina asegan ŋakiro nu, “Aŋuna iŋeryoto iyes ŋakiro kaŋ, ido ikinyoma nakisican ŋuluce ka namodiyo ka iyarikis nakisican ŋuluce ka namodiyo,

Isa. 30:12 Iomraidhean Croise

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋakit. 24:2

anerae erae ŋuna ka aryenyeo eyeete ikes anatameta kec, ido erae ŋuna ka akiteryamun ituŋanan idio ŋican irworosi ikes.

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 47:10

Ibu iyoŋ kitusubun anaronis kon ŋina iboi emam awasya; ibu iyoŋ tema, ‘Mam ituŋanan ekete ayoŋ.’ Apotu aosou kon ka apiiryanut kon ikitooliyosi iyoŋ, ido ibu iyoŋ totamak alotau kon ebe, ‘Ayai ayoŋ ikikwaan ka Akuj, emam ice ituŋanan ekete ayoŋ mati ayoŋ bon.’

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Isa. 8:6

“Aŋuna aŋeryoto ŋituŋa lu ŋakipi a Silo ŋuna eleleete iwadio ka aŋuna emaraniata ikes alokiŋaren Resin ka lokoku a Remalia,

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.