Isa. 3:9 - Ebaibul

⁹ Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Isa. 3:9 Iomraidhean Croise

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

Akisy. 19:34

Akoloŋit ŋina atupakini ŋin, tolimok apese ŋina apolon ŋina cici tema, “Kiira, abu bien ayoŋ nakwaare eryamakin ka papa, etamata nabo papa takae eboŋ epiini, ikotere tolot iyoŋ daŋ kiryamakin ka iŋes, eturubakisi iwon ŋiletok a papa eya.”

Akisy. 4:5

Nai nyelakar Ekapolon aŋuna a Kain ka ainakinet keŋ. Aŋun, toŋo Kain nooi, tonyoridid ereet.

2 Ŋirw. 9:30

Ani edoluni Yeu lotaun Yesireel, abu Yesebel kiira, ŋun, kios iŋes emunyen nakonyen keŋ, tooik ŋitim keŋ ka kidodo, tosodi towo alodirisa a agule a ŋina alokidiama akai ke erwosit, kirereiyo lorot.

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 30:13

Eyakasi ŋituŋa ŋulu etamete atemar ikijokak nooi, okoe etya ajokis ŋina etamete ikes atemar ikijokak ai!

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 3:16

Ebala Ekapolon, “Aŋuna iturotor ŋaberu a Sion, tolosete itenarito ŋimosiriŋin, eŋoleŋoleete ka ikinikinasi, ituruyete ŋitworoi ŋulu cicik ŋulu enapito ikes anakejen,

Isa. 57:20

Nai erubakinito ŋikaronok itiyaete aronis esibito ŋakipi a anam ŋuna imorokokoete jik, ŋuna nyecamito adipakin; ŋuna iwokito jik arimama ka ecoto.”

Isa. 59:12

Elal isua abilibil ŋikisila alokiŋaren kon, ikisitakinito isua ŋasecisya kosi. Kire ikibilibilit isua ŋikisila anepei a ne ka ikiyeni isua ŋasecisya kosi,

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 16:30

“‘Iŋita Akuj ŋakiro nu atemar, okoe etya adyaka ŋina eyai lotau kon ai? Anerae itiya iyoŋ ŋakiro ŋun daadaŋ irae ŋolo ikwaan ka amalaat ŋina nyirumeneneete ŋileec ŋulu ka amalao keŋ.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 23:16

Ani iŋolikini Ooliba ŋitorubei ŋul, abu ekibure min neni keŋ, ido abu iŋes kiyakiya ŋituŋa Kalidea nakwap a ŋituŋa a ŋitorubei a ŋul.

Dan. 7:20

abu daŋ ayoŋ eitan ŋuna a ayenun a ŋamomwar a ŋunatomon a ŋuna aya nakou keŋ ka amomwara ŋinace ŋina arupuni ekaku, ido toditarae ŋamomwar ŋunauni, amomwara ŋina ayakar ŋakonyen ka akituk ŋina erworo ŋakiro ŋuna ka akituro, ŋina asibit iŋes apol akilo ŋunace.

Osea 13:9

Okoe ŋituŋa a Isirael, akamunyari ayoŋ iyes, ŋae nai ikiuni iyes?

Osea 5:5

Elimorit akituro a ŋituŋa a Isirael ŋuna etubokinere ikes. Emarani Epuraim alokaile a ŋolo ka asecit keŋ, emarani Yuda daŋ kaapei ka Epuraim.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.

1 Sam. 15:32

Tema nai Samuel, “Yautu Agag erwosit ŋolo a Ŋiamaleki neni kaŋ.” Bu nai Agag neni a Samuel elakara etami ebe, “Kire jik, abucun ayoŋ anapipilu a ŋina ka atwanare.”