Isa. 3:26 - Ebaibul

²⁶ Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 3:26 Iomraidhean Croise

Yob 2:13

Kiboiyoto ŋikonei a Yob kaapei ka Yob alokwap a nen ŋapaarasya ŋakanikaarei ka ŋakuwarisya ŋakanikaarei, mam ipei daŋ alokidiŋ kec abu tolimu adiokirot, anerae apotu kiŋolikis ŋican a Yob epolok nooi.

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 15:8

Alalata ŋapuseru anakwap kec akilo asinyon ŋina alokipetot a ŋanamyo. Adau ayoŋ ayaun ekamunyaran ŋisorok kec kidiŋ apaaran, oinak atatoto kec toryamut ŋican, adau ayoŋ ayaun aryeba ka ekabule toyakaun neni kec pa eyenete ikes.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Aum. 2:8

Adau Ekapolon atubun atemar toritakinae ŋarwatatain a Sion kwap. Adau Ekapolon akipim aoyau a ŋarwatatain a Sion, ikotere eritaari daadaŋ, nyeŋayaŋaya Ekapolon aritaar ikes. Aritaiya Ekapolon ŋakais ŋuna aoyak ka ŋarwatatain, eperete daadaŋ alokwap.

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.

Mat. 11:17

temasi, ‘Ikipotu isua okutakisi arupepe ŋina kimomworet, nai nyimomworikis iyes; aponi isua kikalounoe aŋuna ka atwanare, nai nyiluuroto iyes.’

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”