Isa. 3:24 - Ebaibul

²⁴ Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Isa. 3:24 Iomraidhean Croise

Esta 2:12

Todol apaki ŋina elosyo ŋinapese neni a erwosit Ausero, ekaku a ŋilapyo a ŋitomon ka ŋiarei a ŋulu ka akitesego a ŋaberu, anerae apotu ŋirwa ŋulu ka akitesego kirikakin: Ŋilapyo ŋikanikapei itesegasi akimyet a ŋina ke eminae a ŋolo akukunyon ka ŋilapyo ŋikanikapei itesegasi ka akimyet a ŋina akukunyon nooi ta ŋamyeta ŋace ŋuna eninasi ŋaberu.

Yob 16:15

Anapit ayoŋ ŋilowi ŋulu kigworet, adaun agogoŋu kaŋ jik, aruwor ekeboiyon anapuwa.

Ŋakit. 31:24

Itiyaununui iŋes ŋilowi ŋulu amilimilak, ido togyelana, egyelanari iŋes ŋarokobae neni a ŋimucurus.

Ŋakit. 7:17

Etukukuny ayoŋ ekitaada kaŋ a eminae a ŋolo akukunyon ka akimyet a ŋina akukunyon ta a ekitoe a ŋolo enyaritae einamon.

Isa. 15:2

Aloto ŋituŋa a Dibon kai ka akuj kec, aloto ikes nakiboisyo ŋuna aoyak akigworo; Iwololoete ŋituŋa a Moab aŋuna a ŋitaunio a Nebo ka Medeba. Elurito ŋituŋa daadaŋ abanyany ŋitim ka ŋipeneka,

Isa. 15:3

enapito ikes ŋiguniyae elosete alorotin a etaun. Iwololoete ka igworosi ŋituŋa daadaŋ alokidiama ŋakais ka analapatui.

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 3:23

ŋilowi kec ŋulu ecayete, ŋilowi ŋulu amilimilak, ŋakitambarae ŋuna enapitae alodokolei ka ŋakitambarae ŋuna itukitukitae nakyes.

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Isa. 57:9

Ipotu iyes toloto neni a Molek itiŋito akimyet ka ipotu kitalalata ŋamyeta ŋuna akukunyok. Ipotu iyes kiyakiyasi ŋituŋa neni alwanan, ipotu kiyakiyasi tari tooma nakibois a ŋikatwak.

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Yer. 48:37

“Abanyasi ikes daadaŋ ŋakyes kec ka ŋipeneka kec, eyakasi ŋajemei nakan kec a daadaŋ ka anapa ikes daadaŋ ŋiguniyae anacirin kec.

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Yoel 1:8

Kigworo inapito ŋiguniyae, ikwa igworor apese ekile keŋ ŋolo ariŋa iitari iŋes.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Mika 1:16

Iyes ŋituŋa a Yudaya, tobanya ŋitim kus aŋuna a ŋidwe kus a ŋulu iminasi, tobanya ŋakyes kus toŋolyaakiata ikwa ŋuna a ŋataruk, anerae eyayio ŋidwe kus aneni kus, toruwor ŋulu a ŋakwapin a ŋace.

Ŋikis. 28:22

Ikisicani Ekapolon iyes a edeke a ŋolo ikididiiyari, a edeke a ŋolo itomwani akuwan, a edeke a ŋolo itubui akuwan; ikisicani Ekapolon iyes a amwanis ka aonite, a eremonu ka ebuta a ŋimanikorin kus. Erubakinete ŋakisicaneta ŋun aneni kus tari ŋina imunyarotor iyes daadaŋ.

Ŋikis. 32:24

ididiyari akoro ikes, emunyarete ŋidekesyo ŋulu aryabak ikes. Eyakikini ayoŋ ikes ŋityaŋ ŋulu anyamak ŋituŋa, eyakikini ayoŋ ikes ŋimuno ŋulu aarak.

1 Pet. 3:3

Nyitemokino iyes kisibusa ŋawat alonapitene kus ikwapei epite ŋolo iwoiyoto iyes ŋitim kori anapit ŋasuwa ŋuna amilimilak ka ŋilowi ŋulu ebusak.

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”

Akis. 16:9

Aponi kicunyae ikes ka amwanis a ŋina arirae. Kiceno ikes ekiro ŋolo ka Akuj, a ŋina arae iŋes eyakuunit ŋakisicaneta ŋun daadaŋ. Nai apotu nyekiwa akitiya ŋasecisya ka apotu nyipuro ka nyitopoloosi Akuj.

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.