Isa. 3:11 - Ebaibul

¹¹ Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 3:11 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 21:21

Toyenu nu, acamakini ayoŋ ŋican potu neni kon, akamunyari ayoŋ iyoŋ, alemari ayoŋ aneni kon ŋituŋa ŋulusapa, ŋulu erae ŋipi ka ŋulu nyerae ŋipi alo Isirael.

2 Ŋakiro a ŋirwa 6:23

ekelipit kiira iŋes anakuj, kitiya ŋuna iyookino aneni kon neni keŋ, totubok ŋiketiyak kon kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

Yob 10:15

Ani karae ayoŋ ŋolo aronon, aca kaŋ! ani karae ayoŋ ŋolo eyookino, nyemaikina eturokin, anerae ileleba neni kaŋ amamukau ŋina ka ajokis, ido emaikina iyoŋ Akuj kiŋolik epite ŋolo ayakar ayoŋ locan.

Ŋikiru. 28:4

Kisican ikes alopite a ŋolo itiyaata ka alopite a ŋolo ka aronis a ŋiticisyo kec; kisican ikes alopite a ŋolo a ŋiticisyo a ŋakan kec; inak ikes akisicanet ŋina emaikina toryamut;

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 11:31

Einanakinio ŋulu iyookino eropit kec a ne alokwap, aŋun, ipedori iyoŋ ayenun kire jik atemar isicanio ŋulu aronok ka ŋikasecak.

Ŋakit. 12:14

Eryamuni ituŋanan ŋiboro ŋulu ajokak anakiro a ŋuna irworo iŋes, lopite ŋolo itiyaunere a ŋakan ibore ŋini ecamitae aryamun.

Ŋakit. 26:27

Ani kebok ituŋanan akipany kimyek eorori, epedori iŋes pei akimasakin nakipany ŋin, epedori amoru akikokorikin neni a ituŋanan erae kijuka ituŋanan amoru.

Ekal. 8:13

Nai nyejoketa ŋakiro aneni a ŋulu aronok, nyepedorete ikes tari akiyatakin ŋirwa ŋulu ka akiyar kec lopite ŋolo epedorya etolim aoyaar. Erae ŋun aŋuna nyitopolooritotor ikes Akuj.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 48:22

Alimu Ekapolon ebe, “Mam ekisil aŋuna a ŋituŋa a ŋulu itiyaete ŋuna aronok.”

Isa. 65:20

Nyeyakaun nabo tooma keŋ ŋiŋwea ŋulu eyarete ŋirwa ŋidikudyo, kori ŋimojoŋi ŋulu nyikoŋikoŋete, anerae ŋini etwani erae ŋikaru keŋ amiat etamakinio atemar ariŋa esorokana, ido ŋini nyedolete ŋikaru keŋ amiat etamakinio atemar ilamitae iŋes.

Isa. 65:6

Kiirasi, etakanete ŋakiro nu alokiŋaren kaŋ igiritae ebe, “Nyeliliŋi ayoŋ, nai enyaŋari ayoŋ, esicani ayoŋ ikes jik;

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 31:30

Nai etwakete daadaŋ aŋuna a ŋasecisya kec, elyoki ŋikyal a ŋinituŋanan enyami ŋaraito ŋuna ebabar.”

Esek. 16:59

Ŋakiro ŋuna irworo Ekapolon Akuj ikes nu, “Ekesicani ayoŋ iyoŋ lopite ŋolo itiyator iyoŋ, anerae anakimyekin iyoŋ akiwuap acamunet kaŋ ka iyoŋ, ijamuwa iyoŋ ŋuna abu ayoŋ ekoŋ.

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 2:10

Abu ŋini erworo neni kaŋ toŋaa ekitaabo ŋol alokiŋaren kaŋ, eŋolik ayoŋ igiritae ŋakiro kaku ka kiŋaren a ekitaabo a ŋol. Arae ŋakiro ŋuna egiritae nen ŋuna ka akiolol ka akigworo ta ŋuna abasi ekaŋ iyes.

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Esek. 33:8

Ani kalimok ayoŋ ŋulu itiyaete aronis ebe, ‘Okoe iyes ŋulu itiyaete aronis! Itwakete iyes kire jik,’ ido towou iyoŋ alimokin ikes akiŋer akiwuapit aronis kec, etwakete ŋikaronok ŋul aŋuna ka asecit kec, nai emarakini ayoŋ atwanare kec erae nakou kon.

Mika 3:4

Ebunit apaki ŋina ikalounioto iyes neni ke Ekapolon, nai mam ŋuna ikiboŋokini iŋes iyes, nyecamuni iŋes apupokin ŋakilipasinei kus, anerae itiyata iyes aronis.

Mika 7:13

Esilunete ŋakwapin, aŋuna a ŋituŋa kec a ŋulu etiyata aronis.

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Ŋikat. 9:57

abu daŋ Akuj kimyek aronis a ŋituŋa a Sekem toboŋok ikes pei, apotu ŋilam a Yosam alokoku a Yerubaal pena neni kec.