Isa. 29:9 - Ebaibul

⁹ Tobaŋaaniyasi toruwor ŋulu ibaŋaaka, tomudukaniyasi toruwor ŋulu imudukaka. Tomerakinos, nai meere a epiini, kiteriterokinos, nai meere aŋuna a ŋagwe aŋuna adwarak!

Isa. 29:9 Iomraidhean Croise

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 19:14

Esiguryak Ekapolon ŋatameta kec, esirimirimokis ikes Ŋijipitian aloticisyo a daadaŋ, lopite ŋolo irimirimyo ekameran analyakan keŋ.

Isa. 29:1

Ekaŋ iyoŋ Ariel, Ariel, etaun ŋolo abu Daudi kiboikin! Kimoryanak ŋikaru elunyanar a ŋipeipei, kimyek ŋasuban daadaŋ ŋuna a ŋolokaru torubakinae itiyao.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 56:10

Emudukaka ŋiketeok a Ŋisirael, emamukatar ikes daadaŋ aosou, ikwaan ikes daadaŋ ka ŋiŋokwo ŋulu nyikomosi; irujaete eperete alokwap, eminasi ikes ajot

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Isa. 63:6

Abu ayoŋ epudaa ŋituŋa anaŋoit kaŋ, abu ayoŋ elou ikes ananyunyura kaŋ, obukok ŋaokot kec nalup.”

Yer. 13:13

Tosodi, ilimokini iyoŋ ikes ebe, ‘Eapi ayoŋ akitemerakin ŋituŋa a akwap ana, ikes ŋirwosi ŋulu ipukato ŋituŋa lopite ŋolo epukator Daudi, ŋisacaradotin, ŋikadwarak ka ŋituŋa daadaŋ ŋulu iboiyete alo Yerusalem.

Yer. 2:12

Okoe nakuj, emaikina iyoŋ ikikadak aŋuna a ŋakiro a ŋun, emaikina iyoŋ toumok ka emaikina itosilik nooi;

Yer. 23:9

Aŋuna a ŋikadwarak: Alilimiyo etau kaŋ, emaranete ŋakoyo kaŋ daadaŋ; aŋuna a Ekapolon ka aŋuna a ŋakiro keŋ a ŋuna asegak, Ikikwaanikin ayoŋ ka ituŋanan ŋini emera, ituŋanan ŋini alema epiini agogoŋu.

Yer. 25:27

“Ilimokini nai iyoŋ ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar tomata, tomerakinos, toleka, ido kibusokinos nyinyout nabo aŋuna a ejie a ŋolo eyakuunit ayoŋ neni kus.’

Yer. 4:9

Irworo Ekapolon ŋakiro nu ebe, “Akoloŋit ŋin edaun ainakina aneni a erwosit ka aneni a ŋulu ipukato ka iŋes, ekadakini ŋisacaradotin ka eumokinete ŋikadwarak.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Abak. 1:5

Abu nai Ekapolon toboŋok ŋituŋa keŋ tema, “Torubakisi iteete ŋituŋa a ŋakwapin a ŋuna eya nawaetin kus, ido iumokinete iyes a ŋakiro a ŋuna iŋolikinete. Alosi ayoŋ akitiyakin ibore idio ŋini nyinupete iyes tari kikilimokin daŋ.

Mat. 26:45

Toboŋu neni a ŋikasyomak keŋ tolimok ikes tema, “Eriŋa iyes ijotoete ka ieŋunito a? Kiŋolikisi, adol esaa ŋolo ipotokinere Lokoku a Ituŋanan nakan a ŋikasecak.

Mar. 14:41

Ani eboŋori Yesu aboŋoret ŋina a ŋauni, tolimok ikes tema, “Eriŋa iyes ijotoete ka ieŋunito a? Etemokin, adol esaa! Eapi Lokoku a Ituŋanan akipotokin nakan a ŋikasecak.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.