Isa. 29:6 - Ebaibul

⁶ ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 29:6 Iomraidhean Croise

2 Sam. 22:14

Abu Ekapolon kirworik anakuj, ido aponi kiirarae etoil a Akuj a ŋina alokidiama nooi.

Ŋikiru. 55:8

Keonyak atipei oryamu neni eboiyo, eeŋa ayakau loman ka naryenyeo a ŋimoe kaŋ.”

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 26:14

Nyeyarete ŋikatwak, nyeboŋununeete nakwap ŋitorubei a ŋikatwak, anerae ibu iyoŋ kisican ikes ka tomunya ikes, kitoŋopiya ikes tojoŋoi atamunit jik.

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 28:2

Kiirasi eyakar Ekapolon ituŋanan ŋini etiron ka ŋini agogoŋon, ŋini ikimunyari lopite ŋolo emunyaryata akiru ŋina a ŋakoko ka ekuwuam akwap; ŋini ikimunyari lopite ŋolo emunyaryata ekuwuam ŋolo agogoŋon ka ŋakipi ŋuna eleleete akwap; ijukuni iŋes a apedor keŋ nakwap akiru ka ekuwuam.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Mar. 13:8

Ejikinosi ŋituŋa ŋulu ka akwap kaapei ka ŋulu ka akwap a ŋinace, ejikin apukan ka apukan, emaranikini akwap anakiboisyo a ŋuna egelegelya ka eyakaun ŋironia. Erae ŋin akisyakinet a ŋican, ikwaŋina egeunia aberu aryeba edoli akidoun.

Luk. 21:11

Eyakaun amaran ŋina ka akwap alowaetin a ŋulu egelegelya, nabo eyakaun eron ka ŋidekesyo daadaŋ ŋulu aronok; etakanunete ŋakitoodikineta ŋuna atyonok alokidiama, kitubulo ŋituŋa.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”