Isa. 29:5 - Ebaibul

⁵ Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Isa. 29:5 Iomraidhean Croise

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Ŋikiru. 35:5

Kimyek ikes kielarae lopite ŋolo ielarya ekuwuam ŋamilo, kimyek emalaika kirit ikes tomunya.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 25:3

Aŋun, ikitopoloorete iyoŋ ŋituŋa ŋulu agogoŋok; ikikerete iyoŋ ŋituŋa a ŋakwapin a ŋuna aryenyaanak,

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 25:5

apaki ŋina aresiyarotor ŋitoilon a ŋigelaanotin lopite ŋolo eresiyaror amwanis aneni eonit, ibu iyoŋ kitidipok amwanis a aribo; ibu iyoŋ kisililiŋ ŋiryenyaanotin tojoŋoto aeore.

Isa. 29:20

anerae edaun eryenyaanot, eŋopiyari ŋini ejamuwarit ŋuluce, emunyaryo daadaŋ ŋulu iitanito akitiya aronis.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 40:15

Aneni ke Ekapolon, ikote ŋakwapin akilimasit a akiru apei; iteo ikes ikwaan ka apuwa ŋina nyinuwari akilo; kiirasi, ikwaan aneni keŋ ŋiculeta ka apuwa.

Isa. 41:11

“Kire, ikes daadaŋ ŋulu ikiremokino iyoŋ, isirumyo kire jik ŋileec ka elemaryo aneni kec ajokis; ikes ŋulu ikitepegete iyoŋ, eruwor ŋikoŋinae ka etwakete.

Isa. 41:15

Kiirasi, ekesikwaanikini ayoŋ iyes ka aramet ŋikinyom, aramet ŋikinyom ŋina eriŋa ekitetena erami ejok; iramete iyes ŋamoru kiryaasi kituruwosi apuwa koŋin, iramete iyes ŋikamukumukui kitiditeut kituruwosi ŋamilo koŋin;

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 47:11

Nai ebuni neni kon aronis ŋina nyipedori iyoŋ amuroiyor; epote ŋican neni kon ŋulu nyipedori iyoŋ akilokonyiyar a ibore idio ka epote ŋinyas neni kon pa iyeni iyoŋ, ŋican ŋulu nyitamakinit sek iyoŋ atemar epote neni kon.

Isa. 48:3

“Abu ayoŋ koloŋ sek olimo ŋakiro ŋuna aris kelunyar, abu ayoŋ olimu ŋakiro ŋun, eteyenik ikes lotuŋa. Ekaku, abu ayoŋ etiyak ŋakiro ŋun, ido apotu totakanut.

Amos 5:9

iŋes inyasuni ŋituŋa ŋulu agogoŋok kinyasu tari ŋaduketa ŋunajiet.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.