Isa. 29:18 - Ebaibul

¹⁸ Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 29:18 Iomraidhean Croise

Ŋikiru. 119:18

Toŋaa ŋatameta kaŋ, ikotere ayoŋ ayenuni ŋakiro ŋuna ka aumokin ŋuna a ŋikisila kon.

Ŋakit. 20:12

Adau Ekapolon ainakin ituŋanan, ŋaki ŋuna epupyo ŋakiro ka ŋakonyen ŋuna iteo ŋinibore.

Isa. 29:24

Eyenunete ŋulu esecito alotai kec ŋakiro, ecamunete ŋulu iŋuruŋurasi ŋakiro ŋuna itatamyo.

Isa. 32:3

Nyerubakinete ikes iteete ŋuna aronok nyesubakis, iirarete ŋulu epupete ŋakiro topupokis.

Isa. 35:5

Eŋaaryo nai ŋakonyen a ŋimudukanotin ka eŋaaryo ŋaki a ŋikiŋimanotin;

Isa. 42:19

Ŋae emudukana, mati eketiyan kaŋ? Kori ekiŋimana ikwaan ka eketiyan kaŋ ŋolo eyakit ayoŋ? Ŋae emudukana ikwaan ka ŋolo einakina aŋuna kaŋ, kori emudukana ikwaan ka eketiyan ŋolo a Ekapolon?

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 43:8

Yautu kiŋaren ŋituŋa ŋulu emudukaka toyakatar bo ŋakonyen, ŋulu ekiŋimaka, toyakatar bo ŋaki!

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mar. 7:37

Toumokis ikes nooi temasi, “Etiya iŋes ŋiboro daadaŋ ejok, esiira ŋikiŋimanotin ka esirworik ŋulu sek nyirworosi.”

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Luk. 7:22

Toboŋok Yesu ŋituŋa ŋulu eyakuunit Yoana tema, “Apesi, tolimokisi Yoana ŋuna iŋolikis iyes ka ŋuna iirasi daŋ. Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak; nabo elimonokinio Ŋakiro ŋuna Ajokak lokulyak.

Yoa. 6:45

Igirit ekadwaran epei ebe, ‘Ebuni Akuj akitatam ŋituŋa daadaŋ.’ Ŋulu iirarete Papa, toyenut aneni kaŋ, epote neni kaŋ.

Yoa. 9:7

Tolimok Yesu iŋes tema, “Ape kilota ŋakonyen kon anabwal a ŋina a Siloam” (apolou keŋ atemar “Iyakitae”). Tolot iŋes, kilota, toboŋu ekienyi.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.