Isa. 29:17 - Ebaibul

¹⁷ Alotooma apaki ŋina euruwuana nyeruwor mono Lebanon emanikor ŋolo erai ŋaraito ŋuna alalak, ido nyeruwor mono emanikor ŋolo erai ŋaraito ŋuna alalak amoni a?

Isa. 29:17 Iomraidhean Croise

Ŋikiru. 107:33

Abu Ekapolon kitoon ŋaŋololin deu, kituruwo ŋilelyan aonite neni icana ŋakipi.

Ŋikiru. 107:35

Abu kituruwo aloŋisat neni eya ŋataparin, abu kituruwo ŋalaroi ŋilelyan.

Ŋikiru. 84:6

Ani itorete ikes nakadipaalat ŋina aonon ŋina a Baka, ituruworete akadipaalat ŋin ŋina eya ŋicowae ilelebianakini daŋ akiru ŋina ka akicereet ŋakipi nataparin a akadipaalat a ŋin.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 41:19

Eturupuni ŋikito a Cedar analoŋisat, eturupuni ayoŋ ŋikito ka Akacia, ŋikito ŋulu ikwaan ka ŋikamurya, ŋikito a Olipa analoŋisat; eturupuni ayoŋ ŋikito a Cipres analoŋisat aneni eonit, eturupuni ayoŋ analoŋisat ŋikito ŋulu aoyak ka ŋulu arubak togogoŋ,

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 55:13

Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Agai 2:6

Ŋuna alimu Ekapolon ŋolo Etiron ikes nu, ‘Alotooma apaki ŋina euruwuana, eiŋiiŋakini ayoŋ nakuj ka akwap, anam ka akwap neni aonon.

Mat. 19:30

Nai ŋulu alalak ŋulu iŋarenete tokona, isidiyoryo; nabo ŋulu isidiyoro tokona, isiŋarenio.”

Mat. 21:43

“Aŋun, akalimokini ayoŋ iyes atemar, elemaryo Apukan ka Akuj aneni kus, inakinae neni a ŋituŋa a ŋulu iraete ŋaraito. [

Ŋibur. 10:37

Anerae egiritae Nakigireta atemar ebala Akuj, “Idoŋit apaki adio cici tosodi bu ŋolo itemokino bu, nyedidi iŋes.