Isa. 29:15 - Ebaibul

¹⁵ Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Isa. 29:15 Iomraidhean Croise

2 Sam. 11:27

Ani elunyar ŋirwa ŋulu ka akigworo lokile keŋ, kiyakiya Daudi ituŋanan ayaun aberu ŋin kai keŋ, ido abu iŋes toruwor aberu a Daudi, kidou ikoku a Daudi ŋinisapat. Nai apotu nyitalakasi Ekapolon ŋakiro ŋuna abu Daudi kitiya.

2 Ŋirw. 17:9

Etiyato Ŋisirael anakimunonit ŋakiro ŋuna aronok aneni ke Ekapolon Akuj kec. Adukito ikes aŋuna kec neni elipeneneere ŋakujo lotaunio kec daadaŋ ameun alotaunio a ŋulu cicik akitodol ŋulu apolok.

Yob 34:22

Emam neni iryono cuc, kori auwuat ŋina iryono cuc, neni epedoryata ŋulu itiyaete aronis a ŋopya.

Ŋikiru. 59:7

Kiira iyoŋ epite ŋolo iorooto ikes, irworosi ŋakiro ŋuna apipilak, etamete ikes atemar kori emam ituŋanan epupi ŋakiro kec.

Ŋikiru. 73:11

Iŋitasi ŋulu aronok ebe, “Alipite eyenunia Akuj? Nyeyenuni Akuj ŋina eyai kidiama nooi ŋakiro yok.”

Ŋikiru. 83:3

Etukete ikes a epali ŋakiro ŋuna itoroniaritotor ŋituŋa kon; etukonokin ikes ayere ŋakiro ŋuna itoroniyarere ŋituŋa kon ŋulu iuryarit iyoŋ.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 47:10

Ibu iyoŋ kitusubun anaronis kon ŋina iboi emam awasya; ibu iyoŋ tema, ‘Mam ituŋanan ekete ayoŋ.’ Apotu aosou kon ka apiiryanut kon ikitooliyosi iyoŋ, ido ibu iyoŋ totamak alotau kon ebe, ‘Ayai ayoŋ ikikwaan ka Akuj, emam ice ituŋanan ekete ayoŋ mati ayoŋ bon.’

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 8:8

Tema Akuj neni kaŋ, “Lokoku a ituŋanan, tobok arwatata topuyoiyo;” ani abokari ayoŋ arwatata, abu eŋolik epuke eyai nen.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Osea 5:2

ta akipany ŋina ebokitae ecukul nooi Sitim; nai esicani ayoŋ ikes daadaŋ.”

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Yoa. 3:19

Atubokino iŋes na ebe: abu akica bu nakwap, nai aminasi ŋituŋa akiryonut akilo akica, anerae aroko ŋuna etiyaete ikes.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.