Isa. 28:7 - Ebaibul

⁷ Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 28:7 Iomraidhean Croise

Ŋikiru. 107:27

Apotu ikes kibusonokin ka kiryaŋanar esibit ŋulu emerasi, abu apiiryanut kec todaun.

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ŋakit. 23:30

Erae ŋulu ewaryanakini etubonor emasete epiini erae ŋulu erubakinete emasete epiini ŋikabilae daadaŋ.

Ekal. 10:17

Erereŋ ŋituŋa ŋulu eyakatar erwosit ŋolo etamununui ŋuna ajokak ŋuna kitiyakina lotuŋa keŋ, ido toyakatar ŋikarikok ŋulu eloseneneete akimuj anapaki a ŋina sek itemokinitoe, ŋikarikok ŋulu imujete aŋuna ka aryamun agogoŋu meere aŋuna ka amerakin.

Isa. 19:14

Esiguryak Ekapolon ŋatameta kec, esirimirimokis ikes Ŋijipitian aloticisyo a daadaŋ, lopite ŋolo irimirimyo ekameran analyakan keŋ.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 24:2

Itiyakin ŋakiro ŋun neni a ŋituŋa lopite ŋolo itiyakinotor neni a esacaradoti, neni a apito lopite ŋolo itiyakinotor neni a ekapolon keŋ neni a aketiyan lopite ŋolo itiyakinotor neni a akapolon keŋ, neni a ekagyelan lopite ŋolo itiyakinotor neni a ekagyelaran, neni a ekepotoron lopite ŋolo itiyakinotor neni a ekeliparan, neni a ekedeniyoron lopite ŋolo itiyakinotor neni a ekedenikinon.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Isa. 29:11

Ikwaanikin aneni kus akisileerekinet na ka ŋakiro ŋuna eya lokitaabo ŋolo ipucaritae, lokitaabo ŋolo ani keinakin ŋulu eyenete akisyom, elimokinitae ebe, “Tosyoma ekitaabo lo,” etemarete ikes, “Nyikipedori isua, anerae ipucitae.”

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 43:27

Abu papaa kus ŋolo esyaunan tosec ka apotu ŋikerworok aŋuna kus toseca neni kaŋ.

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 5:22

Ekaŋ iyes ŋipiuno a epiini, iyes ŋulu idedeŋ nyikerito akinyal ŋagwe,

Isa. 5:23

iyes ŋulu imyekinete ekasecan aŋuna a akaluŋuluŋut ka nyitubokis eriyan ŋini iyookino ŋakiro keŋ.

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 23:13

“Eŋolik ayoŋ alokadwarak a Samaria ibore ŋini asiilyanan, edwarete ikes aŋuna a Baal ka etooliyosi ŋituŋa kaŋ Ŋisirael.

Yer. 23:16

Alimu Ekapolon ŋolo a ŋajoresyo ebe, “Nyipupokis ŋakiro a ŋikadwarak a ŋulu edwarete neni kus, ikimodyanakinete ikes iyes. Ikilimonokinete ikes iyes ŋakisileerekineta ŋuna etamununeete ikes, meere ŋakiro ŋuna elimunit Ekapolon.

Aum. 2:4

Amunya Ekapolon ŋituŋa keŋ ŋulu sek ikinyomit, amunya Ekapolon ŋituŋa daadaŋ ŋulu sek ikiruunitor iwon alotuŋa a Sion; amunya Ekapolon ŋituŋa keŋ anaŋoit lopite ŋolo enyamuwarya akim ibore.

Esek. 13:7

Nyiŋolikina mono iyes ŋakitoodyanakineta ŋuna erae alyokonu ka akidwar ŋina erae amodiyo anakirworo ebe, ‘Alimu Ekapolon ŋakiro nu,’ tari daŋ pakalimunit ayoŋ a?

Esek. 44:21

Mam esacaradoti emaikina tomat epiini apaki ŋina elomarya nalapatu ŋina alotooma Akai ka Akuj.

Osea 7:5

Akoloŋit ŋina enumunumere ŋasuban ŋuna a erwosit, apotu ŋikapolok tomata epiini tomerakinos nooi erwosit daŋ tomerakin nooi, tobaŋaaniyasi kaapei ka ŋulu akyenatar iŋes.

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Abak. 2:15

Ekaŋ iyes ŋulu ipotu anaryenyeo kus kitemerakis ŋikidunyet kus; ipotu iyes inakis ikes akiteritereonor esibit ŋikamerak. ikotere ikienatar ikes.

Abak. 2:16

Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Ŋiep. 5:28

Ikwaŋinapei, itemokino ŋikilyok daŋ tominas ŋaberu kec ikwaŋina eminatar ikes ŋawat kec a ŋilopeyek. Ekile ŋolo emina aberu keŋ, emina iŋes akuwan keŋ ke elope.