Isa. 28:4 - Ebaibul

⁴ ŋulu ecucukaiya akibuses kec ikwa ŋatur ŋuna itanapikinitae neni a ŋikapolok a ŋulu imujete ŋamuja ŋuna ajokak, ikwaanikin ikes ka ŋaboboryo ŋuna ekokete eriŋa akamu, ŋuna elemari ituŋanan ca daadaŋ ŋini iŋolikini.

Isa. 28:4 Iomraidhean Croise

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Osea 13:1

Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Osea 9:16

Aryamut ŋituŋa a Epuraim akisicanet, aono ataagorete kec, nyeriŋa ikes eryamunete ŋidwe. Tari keuruut ikes ŋidwe, aari ayoŋ ŋidwe kec ŋuluminan ŋul,

Mika 7:1

Emam akigeno apei daŋ eyai neni kaŋ! Ikikwaanikin ayoŋ ka ituŋanan ŋini enyamit akoro, ŋini ani elosi lokitoe ecamit ŋaraito, nyeryamu tari apei imyekinitae ka nyeryamu tari arait ke epiini apei daŋ, toryamu epiini ka ŋaboboryo ŋuna akonok daadaŋ kigyeror.

Naum 3:12

Ikote ŋaduketa kon ŋunajiet ŋiboboryo ŋulu isyakinete akira, ŋulu iloilookinio torarakin ŋaraito nakituk a ŋinibore enyami.

Akis. 6:13

Tocakunos ŋikacer kwap anadis ikwa ŋaboboryo ŋuna nyekokito ŋuna erarauni ekuwuam ŋolo agogoŋon.