Isa. 28:21 - Ebaibul

²¹ Eji Ekapolon lopite ŋolo abunio tojiyo alomoru Perasim, eŋoi iŋes lopite ŋolo abunio toŋoya anakadipaalat a Gibeon. Ebuni iŋes akitiya etic, egelaana epite ŋolo itiya iŋes, ebuni iŋes akitiya etic keŋ, ekujuwuana epite ŋolo itiya iŋes.

Isa. 28:21 Iomraidhean Croise

2 Sam. 5:20

Aŋun, abu Daudi tolot Baal-Perasim, kitiji Ŋipilistin a nen tobwaŋ, ido tema, “Esipuma Ekapolon ŋimoe kaŋ alokiŋaren kaŋ lopite ŋolo ipumaror akalele.” Aŋun, enyaritae ekiro ka akibois a ŋin Baal-Perasim.

2 Sam. 5:25

Abu Daudi kitiya ikwa alimokinitor Ekapolon iŋes; toar iŋes Ŋipilistin akisyakin alo Geba erot daadaŋ tari Geser.

1 Ŋakiro a ŋirwa 14:11

Aŋun, abu Daudi kitipeiyo Baal-Perasim, kitiji Ŋipilistin a nen tobwaŋ, ido tema, “Esipuma Ekapolon ŋimoe kaŋ alokiŋaren kaŋ lopite ŋolo ipumaror akalele.” Aŋun, enyaritae ekiro ka akibois a ŋin Baal-Perasim.

1 Ŋakiro a ŋirwa 14:16

Abu Daudi kitiya ikwa alimokinitor Akuj iŋes, toara ŋituŋa a Daudi Ŋipilistin akisyakin alo Gibeon erot daadaŋ tari Geser.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 29:23

anerae ani iŋolikinete ikes alokidiŋ kec ŋidwe kec ŋulu asubuni ayoŋ, ecamunete ikes asegis a Akuj a ŋina asegan a ŋina a Yakob, itopoloorete ikes Akuj a Isirael.

Isa. 64:2

Totiyaun lopite ŋolo itiriraunia akim amoni ka lopite ŋolo itukulaunia akim ŋakipi; bua kitoodik apedor kon neni a ŋimoe kon, ikotere emaranikinete ŋituŋa a ŋakwapin ikiŋolikinete iyoŋ.

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Aum. 2:15

Ŋituŋa daadaŋ ŋulu itorunete Yerusalem, eramete ŋatorobwo eumokinito aŋuna kus. Epodosi ka imuŋimuŋete ŋakyes eumokinito aŋuna a ŋituŋa a Yerusalem ebasi, “Erae mono lo etaun ŋolo paaran ebus nooi akilo a? Erae mono lo etaun ŋolo paaran alelakinito ŋituŋa daadaŋ anakwap a?”

Aum. 3:33

Nyelakara Ekapolon ikisicani iwon, kori ikiinakini aryeba.

Esek. 33:21

Alokaru a ŋolo a ŋitomon ka ŋiarei eyakae isua nakwapin ŋuna ikirikoritae, torae elap ŋolo a ŋitomon, ŋirwa ka elap ŋikan, abu ituŋanan ice ŋini kesiiuni alo Yerusalem bu neni kaŋ tema, “Amunaar etaun Yerusalem.”

Abak. 1:5

Abu nai Ekapolon toboŋok ŋituŋa keŋ tema, “Torubakisi iteete ŋituŋa a ŋakwapin a ŋuna eya nawaetin kus, ido iumokinete iyes a ŋakiro a ŋuna iŋolikinete. Alosi ayoŋ akitiyakin ibore idio ŋini nyinupete iyes tari kikilimokin daŋ.

Yos. 10:10

Abu Ekapolon kitubul Ŋiamori tosuros apaki ŋina eŋolikiniata Ŋisirael. Toara Ŋisirael ikes alo Gibeon, kiritarae nakan ŋina alo Bes-Oron, toararae erot daadaŋ akitodol neni anyaritae Aseka ka Makeda.

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Yos. 10:12

Akoloŋit ŋina epotokinio Ekapolon Ŋiamori neni a Ŋisirael amunyar, abu Yosua kirwor neni ke Ekapolon epupete Ŋisirael tema, “Akoloŋ, towo kitiirakin kidiama Gibeon. Elap, towo kitiirakin kidiama akadipaalat Aijalon.”