Isa. 28:19 - Ebaibul

¹⁹ Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 28:19 Iomraidhean Croise

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 18:13

Alokaru a ŋolo a ŋitomon ka ŋiomwon ipukat Esekia, abu Senakerib erwosit ka Asiriya torem ŋitaunio alo Yudaya daadaŋ ŋulu adukuk ejok, kikama.

2 Ŋirw. 21:12

ebala tokona Ekapolon ŋolo erae Akuj a Ŋisirael ebe, ‘Ayauni ayoŋ Yerusalem ka Yudaya akisicanet ŋina ani iirari ŋinituŋanan, ebuli tolilimiyo akuwan.

2 Ŋirw. 24:2

Abu Ekapolon kiyakiya ŋajorei alokabilae a Ŋikaledian, a Ŋiarameani, a Ŋimoabi ka a Ŋiamoni amunyar ŋituŋa a Yudaya, kiyookinotor ŋuna erworit Ekapolon alorwor a ŋikadwarak a ŋulu arae ŋiketiyak keŋ.

Yob 18:11

Eyakasi ŋiboorei ŋulu etukuryanak ikes lowaetin kec daadaŋ, itekerete ŋiboorei ŋul ikes nyetapanakin ŋatotiny kwap.

Yob 24:17

Erae akiryonut cuc aneni kec a daadaŋ ataparacu; anerae nyeriŋa ikes ebulenene iryoniar akwap.

Yob 41:9

Ituŋanan daadaŋ ŋini itijikini Lepiasan, emam akigeno atemar ilouni. Pa mono abu tari ŋakujo tobul iŋolikinete iŋes a?

Yob 6:4

Eketeryamu Akuj ayoŋ aryeba ikwa ituŋanan ŋini egumitae a ŋikaleŋeleŋe, ido elelebun nakiyar kaŋ akisorit ŋina aaran, eketubul ayoŋ Akuj aŋuna a ŋican a ŋulu alalak a ŋulu ekeyakik iŋes ayoŋ.

Ŋikiru. 55:4

Eryaba etau kaŋ nooi ekeloŋiya ayoŋ ekabule ŋolo ka atwanare.

Ŋikiru. 88:15

Ŋinapei anasoroko kaŋ, aryamunit ayoŋ ŋican ka akaapikinit atwanare; aryamu ayoŋ ŋican anakisicaneta kon, ido apapanu.

Isa. 33:7

Kiirasi, ecalasi ŋikadedeŋak alorotin a etaun; igworosi nooi ŋikiyakitono ŋulu amaikina yaut ŋakiro ŋuna ke ekisil.

Isa. 36:22

Apotu nai Eliakim lokoku ka Ilikia ŋolo apolokinit ŋiticisyo alokai ka apukan ka Sebina ekegirigiran ta Yoa lokoku ka Asap ŋolo apolokinit ŋakiro ŋuna igiritae toloto neni ka Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton a ŋasigarya ka Asiriya.

Isa. 37:3

Tolimokis ikes Isaya temasi, “Ebala Esekia, erae akoloŋit na ŋina a ŋican ŋina ikitoŋoitere ka ŋina alemarere ajokis, ikwaan ka apaki ŋina edolio ikoku akidoun, nai todaun agogoŋu ŋinakidinyakinet.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Yer. 19:3

Tolimok ŋituŋa ebe, “Okoe ŋirwosi a Yudaya ka ŋituŋa ŋulu iboiyete alo Yerusalem, kiirasi ŋakiro a Ekapolon, irworo Ekapolon ŋolo a ŋajoresyo Akuj a Ŋisirael atemar ayauni ayoŋ nakibois na ŋican ŋulu ani iirari ituŋanan toryaŋakin kijik ŋaki,

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 4:9

Irworo Ekapolon ŋakiro nu ebe, “Akoloŋit ŋin edaun ainakina aneni a erwosit ka aneni a ŋulu ipukato ka iŋes, ekadakini ŋisacaradotin ka eumokinete ŋikadwarak.

Yer. 6:24

“Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

1 Sam. 3:11

Tema nai Ekapolon neni a Samuel, “Kiira, eapi ayoŋ akitiyakin ŋakiro ŋadi Isirael ŋuna ani iirari ŋinituŋanan, toumok.