Isa. 28:17 - Ebaibul

¹⁷ Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 28:17 Iomraidhean Croise

2 Ŋirw. 21:13

Esicani ayoŋ Yerusalem lopite ŋolo abu esicania Samaria. Esicani lopite ŋolo esicania Aab ŋolo arae erwosit a Isirael kaapei ka ŋiletok keŋ. Ani ŋituŋa a Yerusalem, apyaari pye, kidoŋ Yerusalem eorori ikoni atuba ŋina ilotaryo, ido tobuburiyarae.

Yob 22:16

Aponi ikes tomunyarae eriŋa nyedolo apaki kec ŋina etwakyata, abu akalele kitoŋopiya akisyakinet kec.

Ŋikiru. 94:15

Eyakaun nabo akitub ŋakiro anakiyookino aŋuna a ŋulu iyookino, ido iwuapete daadaŋ ŋulu iyookino alotai kec akiyookino ŋin.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 28:2

Kiirasi eyakar Ekapolon ituŋanan ŋini etiron ka ŋini agogoŋon, ŋini ikimunyari lopite ŋolo emunyaryata akiru ŋina a ŋakoko ka ekuwuam akwap; ŋini ikimunyari lopite ŋolo emunyaryata ekuwuam ŋolo agogoŋon ka ŋakipi ŋuna eleleete akwap; ijukuni iŋes a apedor keŋ nakwap akiru ka ekuwuam.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Yer. 19:7

Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Yer. 23:19

Kiŋolikisi, ebunit aŋoit a Ekapolon, ebunit anyunyura, ebunit egogoŋ ikwa ekuwuam ŋolo agogoŋon, emini aŋoit a Ekapolon neni a ŋulu itiyaete ŋuna aronok.

Yer. 7:14

aŋun etiyae ayoŋ ŋuna abu etiya Silo neni ka Akai a ŋina enyaritere a ekiro kaŋ, a ŋina ikinyomito iyes ka akibois ŋina abu ayoŋ okoinak iyes ka neni atapapaa kus.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Dan. 11:22

Emunyari iŋes ŋasigarya ŋuna alalak alokiŋaren keŋ, eari iŋes tari esacaradoti ŋolo ke Ekapolon ŋolo apolon nooi.

Naum 1:8

tari anakalele a ŋina ipuma nooi. Emunyari Ekapolon ŋimoe keŋ, iwuapari ŋimoe keŋ tari nakiryonut.

Mat. 7:27

Kilim akiru, bu akalele ka tokut ekuwuam kai ŋin, toukor eukore ŋolo aronon.”

Ŋirom. 2:2

Ikiyeni iwon atemar iyookino Akuj etubokini ŋituŋa ŋulu itiyaete ŋakiro ŋuna aronok.

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋirom. 9:28

anerae ebuni Ekapolon atipei atubokin ŋituŋa daadaŋ ŋulu ka akwap, kirikakin.”

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 16:21

todout ŋakako ŋuna apolok nooi, ŋuna arae apotis a ŋinakakot ŋakiloi ŋuna edolito ŋatomonikan, todoto ikes kidiama lotuŋa eriŋa ikes icenete Akuj aŋuna ka akisicanet a ŋina a ŋakako, anerae arae ŋin akisicanet ŋina aronon nooi.

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.