Isa. 28:16 - Ebaibul

¹⁶ Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 28:16 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Akisy. 49:24

Nai erubakini akau a ŋikaleŋeleŋe keŋ iketakina, isimukekinio ŋakan keŋ ajiore anapedor a ŋolo Etiron a ŋolo a Yakob; ka alokiro a Ekeyokon a ŋolo erae aupal a Ŋisirael,

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Ŋikiru. 118:22

Amoru ŋina aŋeretoe ŋikadukok, iŋes tokona itogogoŋit akai alokoona.

Ŋikiru. 87:1

Adau Ekapolon adukokin etaun keŋ lomukura ŋolo asegan;

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 54:11

Alimu Ekapolon ŋakiro nu, Okoe Yerusalem, etaun ŋolo ikisicanitae ikimemeo ka ŋolo emam ikesirworiunan ŋituŋa kon, eapi ayoŋ adukokin iyoŋ nabo a ŋamoru a ŋuna egogoŋ egyelit, adukokini ayoŋ nabo akisyakinet a ŋarwatatain kon a ŋamoru a ŋuna enyaritae Sapire.

Dan. 2:45

Lopite ŋolo ibunio iyoŋ kiŋolik amoru ŋina pa ayororit ituŋanan ecakun alomoru, ido abu amoru ŋin tobwaŋabwaŋaa asuwat, eburonis, ecoto, esilipa ka egolid; adau Akuj ŋina etiron alimokin erwosit ŋakiro ŋuna itiyakin alorwa a ŋulu eponito. Erae ŋun ŋakiro kire ŋuna ibu iyoŋ kiruja, emaikina iyoŋ tonup atemar ŋuna ekesileerek ayoŋ iyoŋ ikes erae apolou kec.”

Sakar 10:4

Elomunete alokidiŋ kec ŋikepukak, ŋikarikok ka ŋikapolok a ŋajoresyo, ikotere ipukaete ŋituŋa kaŋ.

Sakar 3:9

Kiŋolikisi iyes amoru ŋina ewuak ayoŋ kiŋaren a Yosua. Eyakar amoru ŋin ŋiwaetin ŋikanikaarei, ido eciekini ayoŋ ŋakiro namoru ŋin, alemari ayoŋ asecit ka akwap a na alotooma akoloŋit apei bon.

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Mar. 12:10

Nyesyoma mono iyes Ŋakigireta ŋuna igiritae ebe, ‘Amoru ŋina koloŋ aŋerete ŋikadukok iŋes tokona itogogoŋit akai alokoona.

Ŋirom. 10:11

Ebasi Ŋakigireta ebe, “Ŋinituŋanan enupi iŋes, nyirumete ŋileec jik.”

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Ŋikor. 3:11

Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo.

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”