Isa. 28:1 - Ebaibul

¹ Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Isa. 28:1 Iomraidhean Croise

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋakiro a ŋirwa 28:6

Alotooma apeikoloŋit bon, abu Peka lokoku a Remalia toar ŋasigarya a Yudaya ŋuna adedeŋak ŋalipyo amiat ka ŋatomoniarei, anerae kepotu ŋituŋa a Yudaya toŋero Ekapolon Akuj atapapaa kec.

Ŋakit. 23:29

Ŋae mono eyakar asiliyorit? Ŋae mono eyakar akiyaloloŋ? Ŋae mono isyaanakini a ŋina paki ayaun ŋican? Ŋae mono iŋuruŋura a ŋinapaki? Ŋae mono eyakar ŋaruma ŋuna emam ŋakiro idicitere? Ŋae mono eyakar ŋakonyen ŋuna areŋak?

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 5:22

Ekaŋ iyes ŋipiuno a epiini, iyes ŋulu idedeŋ nyikerito akinyal ŋagwe,

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Isa. 9:11

Aŋun, abu Ekapolon kitonyou ŋimoe aŋuna kec ka abu kitaŋatak ŋimoe kec lu:

Isa. 9:8

Abu Ekapolon kiyakiya akirot neni a ŋiletok a Yakob, ido abu akirot ŋin kitiyakin neni a Ŋisirael

Isa. 9:9

ka apotu ŋituŋa daadaŋ toyenut akirot ŋin, apotu ŋituŋa a Epuraim ka ŋituŋa ŋulu eboiyete alo Samaria toyenut ŋun, nai anakituro ka anakisupa a ŋitai kec apotu ikes temasi,

Osea 4:11

Ebala Ekapolon, “Alema epiini ŋoloŋorot, kori ŋolokitete aosou alotuŋa kaŋ.

Osea 5:5

Elimorit akituro a ŋituŋa a Isirael ŋuna etubokinere ikes. Emarani Epuraim alokaile a ŋolo ka asecit keŋ, emarani Yuda daŋ kaapei ka Epuraim.

Osea 5:9

Akoloŋit ŋina ka atubokino, eruwor Epuraim ereŋorot. Alimu ayoŋ ŋuna erae kire neni a ŋikabilae a Isirael.

Osea 6:10

Eŋolik ayoŋ ŋakiro ŋuna aronok alotuŋa a Isirael, eyai amalao Epuraim, adau Isirael amunaar.

Osea 7:5

Akoloŋit ŋina enumunumere ŋasuban ŋuna a erwosit, apotu ŋikapolok tomata epiini tomerakinos nooi erwosit daŋ tomerakin nooi, tobaŋaaniyasi kaapei ka ŋulu akyenatar iŋes.

Ŋilep. 26:19

Alemari ayoŋ asyian kus ŋina iturotor iyes, mam akiru ilimi ka eoni akwap kus deu ikwa asuwat.

Amos 2:12

“‘Nai ipotu iyes kitamata epiini Ŋinasari epiini, ido tolimokis ŋikadwarak atemar nyecamakinitae iyes akidwar.

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Amos 6:4

Ekaŋ iyes ŋulu iperete alokitaadae a ŋulu isibusitae a ŋikyal a ŋitome! Ekaŋ iyes ŋulu isaanaete alokicoloŋo a ŋuludupuk, tonyamete ŋikaalei ka ŋitak ŋulu anakunak.

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’