Isa. 27:8 - Ebaibul

⁸ Abu Ekapolon kisican ŋituŋa keŋ kimyek kiritarae ka torikoroe nakwap ace erae ŋirikon ananyunyura keŋ, abu iŋes kirita ikes akoloŋit ŋina a ekuwuam a ŋolo alo Kide a ŋolo akusi nooi.

Isa. 27:8 Iomraidhean Croise

Yob 23:6

Epedori mono iŋes anapedor keŋ a ŋina apolon nooi ebura ka ayoŋ a? Mam, nai amaikina ca iŋes topupok ŋakiro kaŋ.

Ŋikiru. 103:14

anerae eyeni iŋes epite ŋolo ikisubunitere iwon, eyeni iŋes atemar ikirae iwon apuwa.

Ŋikiru. 103:9

Nyikiŋenyanakini iŋes jwi jwi, kori nyerubanakini iŋes eŋoit ŋikaru ka ŋikaru.

Ŋikiru. 38:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon,

Ŋikiru. 6:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 54:7

Alimu Ekapolon Ekalakunan kus ŋakiro nu, Abu ayoŋ okeŋer iyoŋ alotooma apaki ŋina euruwuana, nai anakisyon a ŋina apolon nooi, akacununi ayoŋ iyoŋ.

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Yer. 10:24

Ekapolon kisicanae isua, nai anakiyookino, nyikisican isua anaŋoit kon, anerae acepaki ikimunyari iyoŋ isua daadaŋ.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 4:11

Apaki ŋin, elimokinio ŋituŋa a Yerusalem atemar ekutunit ekuwuam ŋolo amwanan aneni kaŋ, ekutunit alomoru a ŋulu emam ŋikito, ekutunit analoŋisat neni a ŋituŋa kaŋ a ŋulu eya locan, meere akutar ŋulu aronok, kori akitojokun.

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Aum. 3:31

Erae Ekapolon ŋolo isyoniono, nyerubakini iŋes ikiŋerit iwon ŋikaru ka ŋikaru.

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

1 Pet. 1:6

Tolelyana aŋuna a ŋakiro a ŋun, tari tokona kiyaloloŋete daŋ apaki ŋina edit na aŋuna a ŋakikatanakineta a ŋuna alalak.