Isa. 27:7 - Ebaibul

⁷ Esican mono Ekapolon ikes lopite ŋolo esicania ŋituŋa ŋulu apotu kisicana ikes a? Kori aari mono ikes lopite ŋolo aarere ŋituŋa ŋulu apotu toara ikes a?

Isa. 27:7 Iomraidhean Croise

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 17:3

Elemaryo aduketait ŋinajiet alo Epuraim ka elemaryo apukan alo Damasko, ido ikwaanikinosi apolou ŋina a ŋipiya ka Aram ka ŋina a Ŋisirael.

Isa. 30:31

Ebuli ŋituŋa ka Asiriya iirarete etoil a Ekapolon apaki ŋina isicania iŋes ikes.

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Yer. 50:40

Alimu Ekapolon atemar, lopite ŋolo ekamarya Ekapolon Sodoma ka Gomora ka ŋikidunyet kec, ikwaŋinapei, mam ituŋanan eyakaun Babilon ka mam ituŋanan ebuni akiboi a nen.

Yer. 51:24

“Alimu Ekapolon atemar isicani iŋes Babilon ka ŋituŋa ŋulu iboiyete alo Babilon iteete iyes, esicani ayoŋ ikes aŋuna ka aronis a ŋina apotu ikes kitiyata Sion.

Naum 1:14

Alimu Ekapolon nu aŋuna kus a ŋituŋa keŋ ebe, “Imamukaunotor iyes ŋiletok ŋulu itorubakinete ŋirorwa kus. Amunaari ayoŋ ŋitorubei a ŋakujo kus ŋulu eyakasi nakais a ŋakujo kus. Asubakini ayoŋ neni ikinukio iyes, anerae mam ajokis eyai neni kus.

Naum 3:19

Mam epite ŋolo ikitojokunere iyoŋ anawananu kon, erae awananu kon ŋina ikiari iyoŋ. Ŋituŋa daadaŋ ŋulu iirarete atemar enyasun Ninepe, eramakinete ŋakan elakara, anerae mam ituŋanan ibu iyoŋ nyisican anadedeŋu kon a ŋina nyesaluni.