Isa. 27:13 - Ebaibul

¹³ Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 27:13 Iomraidhean Croise

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

1 Ŋakiro a ŋirwa 15:24

Arae etic a ŋisacaradotin a lu: Sebania, Yosapat, Nesanel, Amasai, Sakariya, Benaia ka Elieser akikut ŋarupepe alokiŋaren Asaduku ka Akuj. Etic ka Obededom ka Yeia ece iŋes akidar epuke ŋolo elomarere neni ayai Asaduku ŋina ka Acamunet.

Ŋikiru. 47:5

Adakar Asaduku ŋina ka Acamunet kidiama emukura Kai ka Akuj, adakar Asaduku ŋin ecelasi ŋituŋa ka ekusete ŋabureryaŋae a ŋimeesekin.

Ŋikiru. 81:3

Tokutakisi abureryaŋ a emesek elomuni elap ŋolokitete ka apaki ŋina ilesikinor elap kidiama, akoloŋit ŋina a ŋasuban yok:

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 19:21

Iteyenikin Ekapolon neni a Ŋijipitian ka eyenunete Ŋijipitian Ekapolon akoloŋit ŋin, ido ilipete ikes neni keŋ inakis ŋamuronisya ka ŋainakineta ŋuna epeyo, ikoŋete daŋ neni ke Ekapolon ido kiwuapa ŋuna adaut ikes akikoŋ.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 43:6

Alimokini ayoŋ ŋituŋa ŋulu alo Kide ebe, “Tojala ikes,” alimokini ayoŋ ŋituŋa ŋulu alo Kwap ebe, “Nyiwouniata ikes; yautu ŋidwe kaŋ ŋulusapa aneni alwanan ka ŋidwe kaŋ ŋulupesur anakisaleta a akwap.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 43:7

Toloto ikes nakwap a Ijipit, anerae apotu ikes toŋero ŋakiro ke Ekapolon, todolo tari Tapanes.

Yer. 44:28

Ani ŋulu epuunosi alokileŋ eboŋorete anakwap a Ijipit Yudaya, erae ŋidikudyo, tosodi nai eyenunete ŋipiya a Ŋiyudayan ŋulu apotu toloto akiboi alo Ijipit ŋakiro ŋun atemar ŋakiro a ŋae eyookin aŋuna kec, kori aŋuna kaŋ.

Esek. 20:34

Akayauni ayoŋ iyes anakwapin, akacununi ayoŋ iyes anakiboisyo a ŋuna aponi ikielar iyes. Akayauni ayoŋ iyes a nen a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 20:41

Kadau ayoŋ ayaun iyes anakiboisyo a ŋuna ikielaritae ka acunakin iyes iwapei, acamuni ayoŋ ŋamuronisya ŋuna ipeyete iyes, ido etoodiun ayoŋ neni kus erae Akuj ŋina asegan ka iŋolikinete ŋituŋa a ŋakwapin ŋun.

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Ŋilep. 25:9

Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sakar 14:16

Epote nai ŋituŋa anakwapin a daadaŋ a ŋuna itijiete Yerusalem akitipeiyor a ŋolokaru Yerusalem akilip neni a Erwosit, Ekapolon ŋolo Etiron, ido kinumunuma ŋasuban ŋuna a ŋisakaitei.

Sakar 8:7

Aiuni ayoŋ ŋituŋa kaŋ anakwapin a ŋuna alo Kide ka ŋuna alo To.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Ŋirom. 10:18

Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

Akis. 10:7

Nai, ani ekutakini emalaika ŋolo a ŋikanikaarei arupepe keŋ, irikakini Akuj ŋakiro ŋuna ka akimunono ŋuna elosikinit iŋes akitiya, ikwaŋinapei alimokinitor ŋikadwarak ŋulu erae ŋiketiyak keŋ.

Akis. 8:2

Abu nai oanyuwa ŋimalaikan ŋulukanikaarei ŋulu ewuasi alokiŋaren Akuj, aponi inakinae ikes ŋarupepe ŋakanikaarei.

Akis. 8:6

Totena ŋimalaikan ŋulukanikaarei ŋulu ayakatar ŋarupepe ŋunakanikaarei akutakin ŋarupepe kec.

Akis. 9:14

Tolimok etoil ŋol emalaika ŋolo a ŋikanikapei ŋolo ayakar arupepe tema, “Tolacak ŋimalaikan ŋuluomwon ŋulu eenitae anaŋolol a ŋina apolon a ŋina enyaritae Eupurate.”