Isa. 27:11 - Ebaibul

¹¹ Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 27:11 Iomraidhean Croise

Ŋikiru. 106:40

Aŋun, abu Ekapolon toŋoik ŋituŋa keŋ, abu Ekapolon toŋer ŋituŋa keŋ.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 18:5

Eriŋa nyedolo apaki ŋina elemere, apaki ŋina edaunotor ŋatur a ŋikinyom, toruworos ŋatur ŋaraito a epiini ŋuna akoko, etubori Ekapolon a ekileŋ ŋatalijei, ido etubori iŋes ŋaten ya nariet.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 44:2

Alimu Ekapolon ŋolo ikisubuni iyes, ŋolo abu ikiyeu iyes anakookyes atatoto kus ka ŋolo abu ikiŋarak ebe, “Nyikuryaketa, okoe ŋiletok a Yakob a eketiyan kaŋ, okoe iyes ŋiletok a Isirael ŋulu adau ayoŋ aseun;

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 5:13

Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 11:16

Ikinyarit koloŋ Ekapolon iyes ebe, “Ekitoe ka Olipa ŋolo aliban, ekitoe ŋolo ibus ŋolo eyakar ŋaraito ŋuna ajokak. Nai anaŋoit keŋ a ŋina apolon, ikimunyari iŋes iyes, lopite ŋolo enomya akim ekitoe tonomiya ŋaten keŋ daadaŋ.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 16:5

“Nyiloma kai ŋina igworore ituŋanan ŋini etwanit, kori nyilot nen akiwolol, kori akigwor aŋuna kec, anerae alema ayoŋ ekisil kaŋ aneni a ŋituŋa a lu, alema ayoŋ aneni kec amina kaŋ ŋina nyiryaŋiryaŋa ka akisyon kaŋ.

Yer. 25:37

enyasun neni sek iboiyoto ikes emam ŋace, enyasun nen aŋuna ka aŋoit a ŋina adedeŋan a ŋina a Ekapolon.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 8:7

Eyeni tari ŋina erae acolikokot ŋapakio keŋ ka iyokiyete ŋakuryo, ŋikaporookokoe ka ŋiwalui apaki ŋina eponiata, nai nyeyenete ŋituŋa kaŋ ŋikisila a Ekapolon.

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Esek. 20:47

tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Mat. 13:15

Anerae ileleba abaŋao lotuŋa ka agol ŋakeceki, nabo arap ikes ŋakonyen kec; kerae nyikote neni, keanyuwarito ŋakonyen kec ka kiirarito ŋaki kec, nabo keyenunito ŋitai kec, toboŋut neni kaŋ akitaŋaleuno.’

Mat. 13:19

Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 1:31

Emam ŋakiro emisito ŋitai kec, nyiricito ŋakiro ŋuna iiyanakinete, emam ikes aminanar, emam akitim.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.