Isa. 26:8 - Ebaibul

⁸ Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Isa. 26:8 Iomraidhean Croise

2 Sam. 23:5

“Nyiyookino mono ŋituŋa a ekal kaŋ aneni ka Akuj a? Nyikicamuna mono Akuj ka ayoŋ anacamunet a ŋina a ŋikaru ka ŋikaru, a ŋina etemokin ka emam ituŋanan elemari a? Mam mono nyisiyookini iŋes aiuno kaŋ, ido okoinak ayoŋ ŋuna eitanit daadaŋ a?

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 130:5

Edarit ayoŋ Ekapolon ekeŋarak ayoŋ, edarit ayoŋ Ekapolon a etau kaŋ a daadaŋ, anerae ekinyomit ayoŋ akirot keŋ.

Ŋikiru. 18:23

Mam ŋakiro aronia ayoŋ alokiŋaren keŋ, mam asecit etiyat ayoŋ.

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Ŋikiru. 65:6

anapedor kon, ibu iyoŋ tosub ŋimoru eyai agogoŋu neni kon.

Ŋikiru. 73:25

Ŋae mono ikeŋarakinan kaŋ ice eyai nakuj, meere iyoŋ bon a? Aŋuna ikirukitor ayoŋ ka iyoŋ, mam ibore ice eitanit ayoŋ anakwap.

Ŋikiru. 84:2

Ekeburit ayoŋ nooi ayakau Kai ke Ekapolon a etau kaŋ a daadaŋ ka a akuwan kaŋ a daadaŋ, aeikini ayoŋ ka alelyanu neni ka Akuj a ŋina eyari.

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Eete a Ŋie. 5:8

Okoe ŋapesur a Yerusalem, akadyekit ayoŋ iyes atemar ani kiryamut ŋolominat kaŋ tolimokisi iŋes ŋakiro nu ebe, ‘Ekeinaiya ayoŋ amina iyoŋ.’”

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:13

Okoe Ekapolon Akuj kosi, ikipukata isua ŋikapolok ŋice ŋulu nyerae iyoŋ, nai ekiro kon bon enyaritae isua.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Mika 4:5

Elosete ŋakwapin daadaŋ iwuapit ŋinakwap akuj keŋ ka ilipi ŋinakwap neni ka akuj keŋ, nai iwon ikiwuapi ŋuna a Ekapolon ka ikilipi neni a Ekapolon Akuj yok ŋikaru ka ŋikaru.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Ekim. 36:13

Erae ŋun, ŋakiciketa ka ŋikisila ŋulu abu Ekapolon kicik Ŋisirael aneni a Moses anadipoe a ŋuna a Moab alodiyete Yorodan aneni iteosi ka Yeriko.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Ŋitic. 1:4

Apeikoloŋit erukito iŋes ka ikes, kicik iŋes ikes tema, “Nyirotokis alo Yerusalem, nai kidarutu ainakinet ŋina abu ayoŋ okolimok iyes--Etau ŋolo Asegan ŋolo ikiikinit iyes Papa kaŋ.

Ŋirom. 8:25

Nai ani kikigeno iwon ibore ŋini nyikite, ikidaruni iwon ibore ŋin ikititinyikinit.

2 Ŋites. 3:5

Ikilipi isua neni ke Ekapolon kibelek ŋitai kus namina ŋina ka Akuj ka natitinyikinit ŋina a Kristo.