Isa. 26:6 - Ebaibul

⁶ Ipudao tokona etaun ŋol, ipudaete ŋikulyak, ipudaete ŋikilames a ŋulu eyakatar akiitanit.

Isa. 26:6 Iomraidhean Croise

2 Ŋirw. 9:33

Tolimok Yeu ikes tema, “Kimasutu iŋes kwap!” Kimasut ikes Yesebel kwap, kiterakin ŋaokot keŋ narwatata ŋina ka akai ka naŋolei a Yeu ŋuna aponi tomearae kipudaasi akuwan keŋ.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 25:10

Ebuni apedor a Ekapolon ayakaun lomukura lo. “Ipudaaryo ŋituŋa a Moab anakibois kec, lopite ŋolo ipudaere ŋanya anakipany a ŋina ka aoret.

Isa. 28:3

Ipudao alokwap ŋulu iturotor ŋikamerak a Epuraim,

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Isa. 37:25

Abu ayoŋ obok ŋakare omat ŋakipi anakarei a ŋun, abu ayoŋ epuda a ŋakejen kaŋ ŋayona daadaŋ ŋuna a Ijipit ka abu etoon.’

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Yer. 50:45

Aŋun, Kiirasi ŋakiro ŋuna eyeunit Ekapolon aŋuna a ŋituŋa a Babilon ka ŋakiro ŋuna ecamit iŋes akitiya nakwap a Ŋibabiloniyae: Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Mal. 4:3

Akoloŋit ŋin ŋina etiyakinia ayoŋ ŋun, ilounete iyes ŋulu itiyaete aronis, ipudaarete iyes ikes ikwa apuwa ŋina eyai kwap nakejen kus.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

1 Ŋikor. 1:26

Ŋikaitotoi, totamakisi mono iyes atemar ataŋae iyes ŋulu ikinyara Akuj; ekudyoko ŋulu esyomito nooi alokidiŋ kus alopite a ŋolo ka akwap, ekudyoko ŋulu erae ŋikepukak kori ŋulu idounitoe alokalya a ŋikarwok.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Yos. 10:24

Ani eyaunio ŋirwosi ŋul neni a Yosua tonyarau Yosua Ŋisirael daadaŋ, tolimok ŋikatukok a ŋajorei ŋulu arukitotor iŋes tema, “Toapuutu ne, kicaka ŋimosiriŋin a ŋirwosi a lu.” Toapuut nai ikes kicaka ŋimosiriŋin a ŋirwosi a ŋul.

Akis. 2:26

“Iŋes ŋini ilouni ka kiricak ŋakiro kaŋ akitodol nasalunet, ainakini ayoŋ iŋes apedor ŋinakipukaet ŋakwapin.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.