Isa. 26:5 - Ebaibul

⁵ anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 26:5 Iomraidhean Croise

Ŋikiru. 79:8

Nyimarak neni kosi asecit atapapaa kosi; ikilipi ikisyon iyoŋ isua atipei, anerae adaun aneni kosi akigeno daadaŋ.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 14:13

Itami sek iyoŋ alotau kon ebe, ‘Alosi ayoŋ kidiama, etopoloor ayoŋ bon, ewuak neni epukator kidiama ŋikacer a Akuj, eboikin ayoŋ kidiama emoru ŋolo ecunanakin ŋituŋa, eboikin ayoŋ naitae ŋuna a Sapon.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 24:10

Abilibilaar etaun ŋolo a egurigur, agolokin ŋakais daadaŋ ikotere edaun ituŋanan epedori alomar tooma.

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 32:19

Edaun amoni jik, inyasunio etaun nooi.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Yer. 51:64

ido tolimu tema, ‘Esipori Babilon lopite ŋolo asiporor ekitaabo ŋol, nyetakanuni nabo aŋuna a ŋican a ŋulu ayauni ayoŋ neni keŋ.’” Ŋakiro ŋuna abu Yeremia tolimok Seraia ikes ŋun.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Esek. 26:11

Ipudaarete ŋaŋolei a erwosit a ŋol ŋirotin daadaŋ ŋulu a etaun kon Tiro. Eari erwosit ŋol ŋituŋa kon a ekileŋ, ebilibilakini kwap ŋipirin ŋulu agogoŋok ŋulu aduketait kon.

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.