Isa. 26:4 - Ebaibul

⁴ Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 26:4 Iomraidhean Croise

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

2 Ŋakiro a ŋirwa 32:8

Eyakar iŋes apedor ŋina a ituŋanan bon, nai iwon ikiyakar Ekapolon Akuj yok ŋina ikiŋarakini iwon, ŋina eji aŋuna yok alojiesyo yok a daadaŋ.” Abu nai atitinyu min lotuŋa a ŋakiro a ŋuna erworo Esekia erwosit a Yudaya.

Yob 9:19

Ani katema ayoŋ akisinda ka Akuj anagogoŋu kaŋ, iŋes eruwor ŋina egogoŋ; ani kerae aŋuna ka akiyookino, ŋae akanyarakini ayoŋ Akuj?

Ŋikiru. 125:1

Ikes ŋulu ikinyomito Ekapolon, ikwaan ka emoru Sion, ŋolo emam ibore iryaŋiryaŋanakini, nai itiirae jik ŋikaru ka ŋikaru.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 55:22

Tolimok ŋican kon neni ke Ekapolon. ikiyoki iŋes iyoŋ; nyimyekini iŋes ŋulu iyookino kilounae.

Ŋikiru. 62:11

Adau Akuj alimun akirot apei bon, adau ayoŋ akiirar ŋakiro nu ŋaarei: Neni ka Akuj eyai apedor,

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Ŋikiru. 66:7

Ipukat iŋes anapedor keŋ ŋikaru ka ŋikaru, ite iŋes ŋakwapin, nyemaikina ŋulu eŋerito iŋes kiturokinos.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Dan. 3:17

Ani kepedori Akuj kosi ŋina ikitiyanakini isua aiun isua anakim a ŋina a ekitet a ŋina erirae ka alakun isua anapedor kon, okoe erwosit, ikilipi ikilaku iŋes isua.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.