Isa. 26:20 - Ebaibul

²⁰ Potu ŋituŋa kaŋ, tolomasi nagulei kus, togolokis ŋikekya kus kidaut alomar tooma, toŋopa apaki adio akitodol ŋina edaunor anyunyura ŋina ka Akuj.

Isa. 26:20 Iomraidhean Croise

Akisy. 7:1

Tolimok Ekapolon Noa tema, “Toloma nataker kaapei ka ekal kon, anerae aanyu ayoŋ atemar iyoŋ bon iyookino alokiŋaren kaŋ ananyamet a na.

Akisy. 7:16

Toloma ŋinibore daadaŋ nataker, a ŋolokabila ŋinikile ka ŋiniberu, ikwapei ecikitor Akuj Noa. Ani keloma Noa nataker togolok Ekapolon epuke.

Yob 14:13

Okoe kerae ca ikiwua iyoŋ ayoŋ anakibois a ŋikatwak, kerae ca ikililiŋiya iyoŋ ayoŋ a nen akitodol ŋina edaunor anyunyura kon, kerae ca kiwuakinite iyoŋ ŋirwa ŋulu ayakar ayoŋ nakibois a ŋikatwak, ido nai totamu atemar ekedarit ayoŋ iyoŋ a nen.

Ŋikiru. 143:9

Okoe Ekapolon, toiunae ayoŋ alomoe kaŋ, anerae abu ayoŋ neni kon aiuno.

Ŋikiru. 17:8

Kiyokoi ayoŋ lopite ŋolo iyokitere ecopot ŋolo ka akoŋu; kiwuae ayoŋ alopite a ŋolo iwuaya akokoroit ŋicwi anabebenuk keŋ,

Ŋikiru. 27:5

Akaiuni iŋes ayoŋ apaki ŋina a ŋican; ekedari iŋes ayoŋ anakibois a ŋina eyai iŋes ka ekesiboikini iŋes ayoŋ nakibois ŋina aiunor.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 31:20

Ibu iyoŋ kiwua ikes anakibois a ŋina iyai iyoŋ, ikotere nyeryamut ŋuna aronok etukete ŋituŋa akitiya neni kec; ibu iyoŋ kiwua ikes anakibois a ŋina ajokan, ikotere nyeryamut ŋiyany alomoe kec.

Ŋikiru. 32:7

Irae iyoŋ neni aŋopitor ayoŋ; ikiunit iyoŋ ayoŋ alocan; ikisirikaunit iyoŋ ayoŋ ŋituŋa ŋulu eeosi ŋieosyo ŋulu ka alelyanu aŋuna ka aiuno.

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Ŋikiru. 57:2

Egworonokini ayoŋ Akuj ŋina alokidiama nooi, Akuj ŋina erae iŋes isiyoonokini acamit keŋ aŋuna kaŋ.

Ŋikiru. 91:1

Ituŋanan daadaŋ ŋini elosi aiuno neni ka Akuj a ŋina alokidiama nooi, erubakini eyai nakiuryaro ŋina ka Akuj a ŋina etiron.

Ŋikiru. 91:4

Ikimukori iŋes iyoŋ nyiloma locan, ido iryamuni iyoŋ neni iunor aneni keŋ; ikwaanikin akikinyoma keŋ ka aupal ŋina ikiuni alojie.

Ŋikiru. 94:13

Iinanakini iyoŋ ikes akieŋar alocan alorwa a ŋulu a ŋican, akitodol ŋina imunyarya iyoŋ ŋulu aronok kitoloma kwap,

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Ŋakit. 22:3

Epatana ŋikaosok ayenun atyonis ebunit, ido toŋopa nai erubanakinete ŋibaŋaanotin itiyaete pa eyenete atyonis ŋina ebunit, ido elomanarete locan.

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 34:2

Eŋoikinit Ekapolon ŋituŋa a ŋakwapin a daadaŋ, elilit iŋes a ŋuna a ŋasigarya a daadaŋ aŋuna idyasito ikes; emunyari jik iŋes ikes, ido ipotori ikes tomunyarae.

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Yer. 31:14

Ainakini ayoŋ ŋisacaradotin akimuj ŋina ajokan ka ŋina alalan, imwokete ŋituŋa kaŋ a ibore a daadaŋ a ŋini iitanito.”

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Esek. 11:16

Aŋun tolimok ikes atemar ŋakiro ŋuna irworo Ekapolon Akuj ikes nu, ‘Tari daŋ keritarit ayoŋ ikes nakwapin ŋuna alalak, eruwor ayoŋ aiunit ikes apaki ŋina euruwuana ŋina eyakatar ikes nakwapin ŋuna alwanak ka tari daŋ keelarit ayoŋ ikes nakwapin ŋuna alalak, eruwor ayoŋ aiunit ikes apaki ŋina eyakatar nakwapin ŋun.’

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Mat. 6:6

Nai ani ilipi iyoŋ, itemokino toloma nagule kon, togolok ekek, tosodi kilip neni a Papa kon a ŋolo nyetakani. Ido Papa kon ŋolo ite ŋuna itiyae iyoŋ anakimunono, iŋes ikiropi iyoŋ.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.