Isa. 26:17 - Ebaibul

¹⁷ Okoe Ekapolon, aponi isua kibelibeloi ka kigworoi alokiŋaren kon eryabae lopite ŋolo eryabar aberu ŋina eapi akidoun.

Isa. 26:17 Iomraidhean Croise

Akisy. 3:16

Tolimok Akuj aberu tema, “Eyatakini ayoŋ aryebo neni kon nooi apaki ŋina iryamunia akook; idoe anaryeba ka irubakini iitanit ekile kon; ikipolokini iŋes iyoŋ.”

Ŋikiru. 48:6

Abu tobul ikes nooi a nen, toryebakinos nooi ikwa aberu ŋina eapi akidoun.

Isa. 13:8

ka ekadakini ikes. Eyakaun ikes napipilu ka naryeba, eryebakinosi ikes nooi ikwa aberu ŋina eapi akidoun. Itekinosi ikes make eumokinito, eyakaun ŋileec loreetin kec.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Isa. 37:3

Tolimokis ikes Isaya temasi, “Ebala Esekia, erae akoloŋit na ŋina a ŋican ŋina ikitoŋoitere ka ŋina alemarere ajokis, ikwaan ka apaki ŋina edolio ikoku akidoun, nai todaun agogoŋu ŋinakidinyakinet.

Yer. 30:6

Kiŋitae ayoŋ, iŋolikinete iyes, epedori mono ekile akidoun ikoku a? Kaanukiro nai eteo ayoŋ ŋikilyok daadaŋ idokokinito ŋakan kec nakookyes, esibito ŋaberu ŋuna eryebasi aŋuna ka akidoun? Kaanukiro esiliyoritotor ŋireetin a ŋituŋa a daadaŋ?

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 6:24

“Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Yoa. 16:21

Iyaloloŋi aberu apaki ŋina eryebakinor, anerae adol akeepaki ŋina idounio; nai ani kedau iŋes akidoun, imuryakini iŋes aryeba, anerae elelyani iŋes akidoun ikoku nakwap.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Akis. 12:2

Apoti iŋes ka adolit akidoun; apotu aryeba ka ŋican ŋulu ka akidoun kisiworout iŋes.