Isa. 26:16 - Ebaibul

¹⁶ Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 26:16 Iomraidhean Croise

Ŋikiru. 142:2

Alimokinit iŋes ŋakiro daadaŋ ŋuna eŋuruŋurar ayoŋ, alimokinit iŋes ŋican kaŋ.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 77:3

Ani atamuni ayoŋ Akuj, ekalou; ani atamatamae ayoŋ ŋuna ka Akuj, emam akisimukekinet aryamuni.

Ŋikiru. 78:34

Apaki daadaŋ ŋina earya Akuj ŋice kec, aminasi ŋuluce aponenen neni ka Akuj akiŋaranakino, aminasi akienen ŋasecisya kec, potu kilipa Akuj iitanito nooi.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Isa. 37:3

Tolimokis ikes Isaya temasi, “Ebala Esekia, erae akoloŋit na ŋina a ŋican ŋina ikitoŋoitere ka ŋina alemarere ajokis, ikwaan ka apaki ŋina edolio ikoku akidoun, nai todaun agogoŋu ŋinakidinyakinet.

Yer. 2:27

ŋulu ebasi neni a ekitoe ebe, ‘Irae iyoŋ papa kosi’ ka neni a amoru ebe, ‘Iyoŋ ikiuruuni isua’ Irworosi ikes ŋun, anerae akamuleno ikes ayoŋ ka nyeketeete ikes ayoŋ. Nai apaki ŋina eyakatar ikes locan elimunete ikes ebe, ‘Bua, toiunae isua.’

Yer. 22:23

Okoe iyes ŋituŋa ŋulu iboiyete alo Lebanon, ŋulu iboiyete anakais a ŋuna edukitoe a ŋakito a Cedar! Ipote iyes aumen apaki ŋina ebunio aryeba neni kus, aryeba ŋina ikwaan ka ŋina a aberu a ŋina eapi akidoun.”

Yer. 29:12

Tosodi, ani ikinyaraete iyes ayoŋ, ido potu akilip neni kaŋ, ekeirari ayoŋ iyes.

Aum. 2:19

Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Ekim. 21:7

Apotu ŋituŋa potu neni a Moses a nen temasi, “Ikisec isua aŋuna erworore ŋuna aronok neni ke Ekapolon ka neni kon; kilip kareca neni ke Ekapolon tolema ŋimuno lu aneni kosi.” Aŋun, abu Moses kilip neni ke Ekapolon aŋuna a ŋituŋa.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!

Ŋikat. 10:15

Tolimokis Ŋisirael Ekapolon temasi, “Ikisec isua, kitiya neni kosi ŋuna nyejokak aneni kon, nai tolakunae isua nakoloŋit na!”

1 Sam. 1:15

Nai abu Ana toboŋok iŋes tema, “Nyamera ayoŋ, ekapolon kaŋ; arae ayoŋ aberu ŋina aryamunit ŋican ŋulu apipilak nooi; nyemata ayoŋ epiini, kori ŋagwe ŋadi ŋuna adwarak, nai igworonokini etau kaŋ Ekapolon.