Isa. 26:15 - Ebaibul

¹⁵ Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 26:15 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

1 Ŋirw. 8:46

“Ani keseca ikes neni kon, anerae mam ŋini nyesecenene, ido toŋoik iyoŋ ikes, kipotok lomoe kec ikotere erikorete ŋimoe ikes nakwap a ŋimoe a ŋul erae ŋikikamara alojie, yaarae ikes neni elwana, kori neni eapi;

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 23:27

Abu Ekapolon totub tema, “Alemari ayoŋ Yudaya daŋ ejoŋo akitere lopite ŋolopei abunio olemarya alo Isirael ŋituŋa a Isirael. Aŋeri ayoŋ tari Yerusalem neni sek erae etaun ŋolo aseunit ayoŋ. Aŋeri nabo tari Akai na ŋina sek abu ayoŋ otema ekelipeneneere ayoŋ.”

Neem. 9:23

Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Yob 12:23

Ituruwonori Akuj ŋakwapin ŋuna egogoŋ, ani ekaku tomunya ikes; enyae iŋes ŋakwapin, ani ekaku kitoŋopiya.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 33:17

Iŋolikinete iyes akibuses ŋina a erwosit, iŋolikinete iyes akwap ŋina emyaarit neni alwanan.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 6:12

Itiyakin ŋun akitodol ŋina iritarya Ekapolon ŋituŋa daadaŋ neni alwanan, ido toruwor akwap nenilala ŋina emam ŋituŋa.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 9:3

Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Ekim. 23:10

Ŋae epedori akimar ŋiletok a Isirael ŋulu alalak ŋul? Ŋae epedori akimar ŋiletok a Yakob ŋulu alalak ŋul? kimyekinae ayoŋ otwan arae ituŋanan ŋini eyookino kimyekinae ayoŋ otwan lopite ŋolo atwania iŋes!”

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Yoa. 15:8

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

Yoa. 17:1

Kedau Yesu akirwor ŋakiro ŋun, kireo nakuj, kilip tema, “Papa, adolu apaki, kitopoloo Lokoku kon, ikotere ikitopoloo Lokoku kon iyoŋ.

Ŋikis. 10:22

Apaki ŋina alosyoto atapapaa kus Ijipit, arae ikes daadaŋ ŋituŋa ŋatomonikanikaarei bon, ikituruwo tokona Ekapolon Akuj kus iyes ŋituŋa ŋulu alalak ikwa ŋikacer ŋulu alokidiama.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.