Isa. 26:10 - Ebaibul

¹⁰ Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Isa. 26:10 Iomraidhean Croise

2 Ŋirw. 13:6

Tari kikote nen, daŋ apotu ikes nyekiwa asecenen asecit ŋina ekoni ŋina a ekal a Yeroboam a ŋolo arikokini Ŋisirael nasecit. Apotu torubakis eseceneneete, torubakis itowoito epir ŋolo a Baal alo Samaria.

Ŋikiru. 106:43

Ŋapakio ŋuna alalak, abu Akuj tolakununu ikes, nai aŋereneneete ikes Akuj alotooma ŋuna etiyaete ikes, ido aponi ikes kituruworoe ŋicaryo aŋuna a ŋasecisya kec.

Ŋikiru. 143:10

Kitatamae ayoŋ etiya acamit kon, anerae irae iyoŋ Akuj kaŋ; elipi ayoŋ okorik etau kon nyaloma natyokisyo.

Ŋikiru. 69:27

Kiric ŋasecisya daadaŋ ŋuna itiyato ikes, nyicamak ikes elomunete nakiyookino kon.

Awos. 8:15

Nai ani eanyuni Parao atemar eeŋa iŋes alocan a ŋul, abu kitogogoŋ akou keŋ; nyepupok ŋakiro ŋuna erworosi Moses ka Aron ka abu kitiya lopite ŋolo sek alimunitor Ekapolon.

Awos. 9:30

Nai ayeni ayoŋ atemar nyikerito iyes Ekapolon Akuj, iyoŋ kaapei ka ŋulu ipukatotor.”

Awos. 9:34

Ani iŋolikini Parao atemar adaun agiro ka ajoŋoto ŋakako adoiunun ka ekwaa akiru ajoŋo abukuno, abu nabo iŋes tosec kaapei ka ŋikapolok ŋulu epukatotor iŋes. Apotu ikes kitogogoŋo ŋakyes kec.

Ŋakit. 1:32

anerae etwakete ŋibaŋaanotin aŋuna ka abaŋao kec. Emunyanarete ŋimasimas ŋituŋa ŋulu nyeyenete epite ŋolo iuryarotor make.

Ekal. 3:16

Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

Ekal. 8:11

Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 2:10

Iyes ŋituŋa a Yakob, tolomasi natabab toŋopa alokwap anacukulei; toŋopa ikuryaka aŋuna a Ekapolon ka aŋuna ka apolou keŋ a ŋina ailiilon.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 32:6

anerae irworosi ŋibaŋaanotin abaŋao, eyeete ŋatameta kec akitiya ŋuna aronok, akitiya ŋuna nyiwuapito ŋuna ka Akuj, akirworo neni a Ekapolon ŋuna nyiyookino, elemanari akimuj aneni a ŋulu enyamit akoro, elemanari ŋakipi aneni a ŋulu enyamit akure.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Mat. 4:5

Ya Satan Yesu Yerusalem, lotaun ŋolo ka Akuj, kitowuo iŋes alobibiru a ŋolo ka Akai ka Akuj,

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Akis. 2:21

Abu ayoŋ oinak iŋes apaki ŋina kiet, nai ewounit iŋes akiki amalao.

1 Sam. 15:17

Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.