Isa. 25:2 - Ebaibul

² Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 25:2 Iomraidhean Croise

Yob 12:14

Ani kinyasu Akuj idiobore, mam ituŋanan iwuakini ibore ŋin nen nabo; ani keya Akuj idiotuŋanan mam ituŋanan elakuni.

Isa. 13:20

Mam ituŋanan iboikin nabo Babilon, kori eyakaun nabo nen tari ananyameta a daadaŋ. Nyedukokinete Ŋimarabui ŋiemae kec nen, nyimyekinete ŋikeyokok ŋamesekin kec euryanete a nen.

Isa. 13:21

Nai epote ŋityaŋ ŋulu ka ariet akiboi a nen, eruwor neni iboiyoto ŋitulae, elomete ŋikaleeso nen ka epote ŋamee ŋuna ka ariet abolya a nen.

Isa. 13:22

Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 17:1

Ŋakiro ŋuna adwarit Ekapolon aŋuna a Damasko ikes nu, “Kiirasi, ejoŋoe Damasko araakau etaun, ido eruwor iŋes ŋatukon a ŋamoru ka ŋamatapali ŋuna adukitere.

Isa. 17:3

Elemaryo aduketait ŋinajiet alo Epuraim ka elemaryo apukan alo Damasko, ido ikwaanikinosi apolou ŋina a ŋipiya ka Aram ka ŋina a Ŋisirael.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Isa. 23:11

Ayeu Ekapolon anapedor keŋ akisican ŋulu eya nanam, etubul ŋapukasinei. Alimu Ekapolon ŋakiro ŋuna a Kanaan, atemar kinyasunae ŋaduketa keŋ ŋunajiet.

Isa. 23:13

Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Isa. 24:10

Abilibilaar etaun ŋolo a egurigur, agolokin ŋakais daadaŋ ikotere edaun ituŋanan epedori alomar tooma.

Isa. 25:12

Eritakinio kwap ŋarwatatain kec ŋuna aoyak ŋuna eya ŋaduketa ŋunajiet, ituuruwuanunio ikes toritakinae kwap, toruwor ŋalup.”

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 32:19

Edaun amoni jik, inyasunio etaun nooi.

Isa. 34:13

Erupete ŋikukwa anakais a ŋuna ka apukan, eruworosi ŋaduketa kec ŋunajiet ŋamon a ŋikukwa. Eruwor nen akibois a ŋikweei ka neni iboiyoto ŋikaleeso.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Yer. 51:26

Mam amoru elemunio alotaun kus aŋuna ke ekoona, mam amoru kus elemunio tari aŋuna ka akisyakin aduketait, nai eruwor Babilon etaun ŋolo enyasun jik ŋikaru ka ŋikaru.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”