Isa. 25:11 - Ebaibul

¹¹ Tari kikeut ikes ŋakan kec anakipany lopite ŋolo epetaritotor ŋikekwaŋak ŋakan kec anakipi ikwaŋete; elemaryo akituro kec tari kikatakinito ikes aiun a ŋakan kec.

Isa. 25:11 Iomraidhean Croise

Yob 40:11

Kisileereu aŋoit kon, kiŋolik ŋulu eturok daadaŋ, ido inak ikes kitiditeunos make alokiŋaren kon.

Ŋikiru. 2:5

Iŋenyakini nai Ekapolon ikes anaŋoit, ido itubuli ikes ananyunyura keŋ tema,

Isa. 10:33

Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 14:26

Erae nu ŋakiro ŋuna adau ayoŋ ayeun aŋuna a akwap a daadaŋ ka erae ikes esicania ayoŋ ŋituŋa a ŋakwapin a daadaŋ.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 16:6

Temasi ŋituŋa a Yudaya neni a ŋituŋa a Moab, “Aponi isua kiirarae epite ŋolo iturotor ŋituŋa a Moab, isupasi ikes nooi, iturosi ka eŋoito, nai erae akituro kec koŋin.”

Isa. 2:10

Iyes ŋituŋa a Yakob, tolomasi natabab toŋopa alokwap anacukulei; toŋopa ikuryaka aŋuna a Ekapolon ka aŋuna ka apolou keŋ a ŋina ailiilon.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:15

Inyasuni Ekapolon ŋaduketa daadaŋ ŋuna aoyak ka ŋarwatatain daadaŋ ŋuna eya naduketa ŋunajiet;

Isa. 25:5

apaki ŋina aresiyarotor ŋitoilon a ŋigelaanotin lopite ŋolo eresiyaror amwanis aneni eonit, ibu iyoŋ kitidipok amwanis a aribo; ibu iyoŋ kisililiŋ ŋiryenyaanotin tojoŋoto aeore.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Yer. 48:29

Eirar isua ŋuna ka akituro a ŋituŋa a Moab. Iturosi ikes nooi, itopolooro make, iturosi, ejamuwaka ka itopolooro bon nooi alotai kec.

Yer. 48:42

Emunyaryo ŋituŋa a Moab, anerae apotu ikes kitopoloorosi make toŋero Ekapolon.

Yer. 48:47

Kikote neni daŋ alorwa a ŋulu esidyok, enyakakini ayoŋ ŋituŋa a Moab ŋarereŋisyo kec.” Atubokino a Moab iŋes ŋin.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Ŋikol. 2:15

Alomusalaba a ŋol, abu Kristo tolacakin bon aneni ka apedor a ŋina a ŋipyan a ŋulu ipukato ka ŋikapolok daadaŋ; abu kisirum ikes ŋileec alokiŋaren ŋituŋa, kitorotok ikes alokaku keŋ erae ŋirikon etupito iŋes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”