Isa. 24:8 - Ebaibul

⁸ Eliliŋ eruye a ŋiburin ŋolo sek ka alelyanu, adaun acela a ŋulu elelyanete, eliliŋ eruye a agita ŋolo sek ka alelyanu.

Isa. 24:8 Iomraidhean Croise

Yob 3:7

Ee, elipi nyepotiun ikoku idio akuwar ŋin, elipi nyirar etoil ŋolo ka alelyanu ŋolo igworor ikoku ŋini idounio akoloŋit ŋin.

Yob 30:31

Aruwor agita kaŋ ŋina aeor ŋieosyo ŋulu egworor, aruwor apilu kaŋ ŋina erwo lopite ŋolo ekusere igworoi.

Ŋikiru. 137:2

Aponi isua kinenekinoe ŋaduŋgui kosi lokwaŋae,

Isa. 16:10

Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

Yer. 16:9

anerae alimu Ekapolon ŋolo a ŋajoresyo Akuj a Ŋisirael atemar, alorwa kon, alemari ayoŋ anakibois a na ite iyoŋ ecelet ŋolo ka alelyanu ka ŋolo ka alakara, ecelet ŋolo a ekeitan ka ŋolo a ateran.

Yer. 25:10

Alemari ayoŋ aneni kec ecelet ŋolo ka alelyanu ka ecelet ŋolo ka alakara, alemari ayoŋ ecelet ŋolo a eteran ka ŋolo a ateran, ecelet ŋolo ka amoru a ŋinakiryeet ka akica ŋina a etaa.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Aum. 5:14

Nyeriŋa ŋikasikou iboiyonokin lopuke ŋolo ke etaun akitub ŋakiro, nyeriŋa ŋisorok ecunanakin aeore.

Esek. 26:13

Ekisililiŋi ayoŋ iyes nyieikis ŋieosyo kus; nyiiraryo nabo jik eruye aŋagitae kus.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Osea 2:11

Etasaluni ayoŋ alelyanu keŋ, ŋasuban keŋ ŋuna a ŋolokaru, ŋasuban keŋ ŋuna a elap a ŋolokitete, ŋasuban keŋ ŋuna a ŋirwa a ŋulu a Sabato ka ŋasuban keŋ daadaŋ ŋuna emaikina iŋes kitiya.

Amos 6:7

Aŋun, iyes isyaunete arikoro nakwap ŋinagela, ido edaun ŋasuban ka akisaanan kus.

Akis. 18:22

“Nyiiraryo nabo aneni kon eruye ŋolo a ŋaduŋgui ka ŋitoilon a ŋituŋa, ŋolo a ŋikakutak ŋapilui ka ŋarupepe! Nyeryamun nabo ŋiketiyak kon ŋulu aosok jik. Nyiirar nabo eruye ŋolo ka amoru a ŋinakiryeet.