Isa. 24:6 - Ebaibul

⁶ Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 24:6 Iomraidhean Croise

2 Ŋirw. 24:12

Abu erwosit Yeoiakin tocamu Nebukadinesar kikama iŋes kaapei ka toto keŋ, ŋiketiyak keŋ, ŋikapolok anapukan keŋ ka ŋulu apolokinito akai ka apukan. Yaarae Yeoiakin erae emabus alokaru a ŋolo a ŋikanikauni ipukat iŋes Yudaya.

2 Ŋirw. 25:12

Nai abu iŋes kimyek ŋituŋa ŋice ŋulu akulyakaka nooi anakwap a ŋin aŋuna ka akitub ŋikito ŋulu ke epiini ka akitare ŋimanikorin.

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 5:14

Aŋun, alimu Ekapolon Akuj ŋina etiron ŋakiro nu, “Aŋuna alimunioto ŋituŋa ŋakiro ŋun, esikwaanikini ayoŋ akirot ŋina ilimuni iyoŋ ka akim, esikwaanikini ayoŋ ŋituŋa ŋul ka ŋakito, ido enomiyari akim ikes.

Esek. 5:3

Nai tolemu ŋitim ŋul ŋidi kimiidyanak nawaetin a ekaaso kon.

Ŋilep. 26:22

Emyekini ayoŋ ŋityaŋ ŋulu ka ariet ikinyam iyes, ikidemasi iyes ŋidwe kus, tomunyasi ŋibaren kus, ido kitiditeut ekimar kus kipasakinos ŋirotin kus.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Mal. 3:9

Iruworosi iyes ŋulu aŋicen, iyes daadaŋ anakwap kus, anerae ikikokoyete iyes ayoŋ.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mal. 4:6

Ibelekini iŋes ŋitai a ŋikauruunak tomaikinos ka ŋidwe kec ka ibelekini iŋes ŋitai a ŋidwe tomaikinos ka ŋikauruunak kec, ani kemam, abuni ayoŋ amunyar iyes anakwap kus a ŋicen.”

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Mat. 7:14

Nai edidiŋ ekek ŋolo elosi nakiyar ka etyono erot ka ekudyoko ŋituŋa eryamunete.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Ŋikis. 28:62

Tari sek kilalak iyes nooi ikwa ŋikacer ŋulu alokidiama, idoŋete iyes ikudyoko, anerae nyiwuapa iyes ŋakiro ŋuna ke Ekapolon Akuj kus.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.