Isa. 24:16 - Ebaibul

¹⁶ Epupyo ŋieosyo ŋulu ipurere Ekapolon anakisaleta a akwap, ŋieosyo ŋulu ipurore Ekapolon ŋolo iyookino. Nai abala ayoŋ, eridak ayoŋ, eridak ayoŋ. Okoe erae nu ŋuna kaŋ! Anerae itiyaete ŋulu nyikinyomitae pa ikinyoma anamamukau akikinyoma, ikiluwonokinete.

Isa. 24:16 Iomraidhean Croise

Ŋikiru. 106:15

Aŋun abu Akuj inak ikes ŋuna eŋitasi, nai abu Akuj kiyakik ikes edeke ŋolo amunyaran atipei.

Ŋikiru. 119:158

Ete ayoŋ ŋulu emam anupit eteŋeriyorit anerae nyiwuapito ikes ŋakiciketa kon.

Ŋikiru. 2:8

Kiŋitae ayoŋ, akainakini ayoŋ iyoŋ ŋakwapin toruwor ŋuna kon, eruwor akwap daadaŋ ŋina kon.

Ŋikiru. 58:10

Elakarosi ŋulu iyookino apaki ŋina iŋolikiniata ŋulu aronok emunyaryo; icakulaete ikes a ŋakejen ŋaokot a ŋulu aronok.

Ŋikiru. 65:8

Ekerito ŋulu iboiyete aneni alwanan ŋiticisyo kon ŋulu ka aumokin; Iyaununui iyoŋ alelyanu neni a ŋituŋa a daadaŋ ameun alo Kide tari To.

Ŋikiru. 67:7

Elipi torubak Akuj ikiterereŋi iwon; elipi kitopoloosi iŋes ŋituŋa daadaŋ.

Ŋikiru. 98:3

Abu Akuj nyilocok akiikinet keŋ neni a Ŋisirael, alotooma amina keŋ ŋina nyiryaŋiryaŋa ka akikinyoma keŋ. Aanyuwasi ŋituŋa daadaŋ anakwapin akiloun ŋina ka Akuj yok.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 17:4

Akoloŋit ŋina itiyakinotor ŋun, elemaryo apolou aneni a ŋituŋa a Yakob ka edaun ebari kec toruworos ŋikulyak.

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 26:15

Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 28:5

Akoloŋit ŋin eruwor Ekapolon ŋolo a ŋajoresyo aikit a ŋatur ŋina apolon ka ebokot ŋolo ka akibuses aneni a ŋipiya a ŋituŋa keŋ,

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 12:6

Anerae tari ŋiyeneta kon ka ŋituŋa a ekal kon ikilukis iyoŋ; igworosi ikes ikitoroniarito iyoŋ; nyinup ŋakiro kec tari kirworosi ikes ŋakiro ŋuna ka akoneo neni kon.”

Yer. 3:20

Nai, lopite ŋolo eesikinia aberu ŋina nyikinyoma ekile keŋ, ipotu iyes daŋ toruwor ŋulu nyikinyoma aneni kaŋ okoe ŋituŋa a Isirael.’ ”

Yer. 5:11

Itiyakinio ŋun, anerae emam akikinyoma aneni a ŋituŋa a Isirael ka aneni a ŋituŋa a Yudaya.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Osea 5:7

Etiyata ikes neni ke Ekapolon emam akikinyomit, anerae aryamununut ikes ŋidwe ŋulu euriyo pa eyenio atapapa kec, emunyaryo ikes itiyaete ŋasuban ŋuna ke elap a ŋolokitete, ikes kaapei ka ŋimanikorin kec.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Ŋilep. 26:39

Iyes ŋulu idoŋete anakwapin a ŋimoe kus ŋun, itwanikinete nakwapin ŋun, aŋuna a ŋasecisya kus; ka daŋ aŋuna a ŋasecisya atapapaa kus, itwanikinete iyes nen.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Abak. 1:3

Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Mar. 13:27

Ebuni iŋes akiyakiyar ŋimalaikan acunakin ŋituŋa daadaŋ ŋulu seuna alowaetin ka akwap a daadaŋ, ameun anakisyakinet tari nasalunet.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!